Sa o Romanja trubul te pakjan an i peste, thaj kana ka keren desavo plano odova trubul te keren, numa ma te ačhoven ki avgo blokada, akcentirinel i Maria Aleksandrović Doktoro palo Nauke.

I Marija Aleksandrović nakhlja akava pharo drom taro fizičko bukjarni, bukjarni ko umalja, higieničarka dži ki funkcionerka an o Govermento an i Vojvodina.

I Marija barili ko čorolipa pe diajaj, phralea thaj phenjasa . Khuvgja ki buti ki lokalno ciglana kote legarel sine cigle taro javin dži ki rakj, jekhe gndipaja an i peste: te educirinel pe thaj te kerel sukceso an o dživdipa.

O Ofiso e proekteske "Tamikeriba majzoralo civilno sasoitnipa thaj motivo e zoreske ki progresia e edukaciakere inkluziake e Romenge" an o dujto mitingo kergja pe lafi bašo o prioritetia e grant šemake prekal finansiriba loklano NGO . O proekti implementirinen o Romano resusno centari thaj o KOMP tari Atina, Grcia.

I akharin e aplikaciake ka ovel havljarde an o masek noemvri ko maškar e masekoski an i web sajto e proektske , socialno mediumia  thaj ka oven organizirime info dikhiba so majdetalno ka notirinen o kriteriumia , prioritetia thaj o procesi tari aplikacia so trubul te keren o lokalno NGO.

O proekto "Tamikeriba majzoralo civilno sasoitnipa thaj motivo e zoreske ki progresia e edukaciakere inkluziake e Romenge" oficialno startujngja an o 16 januari 2017 berš i ka ovel duj berša finansirime tari Europakiri Unias an o pervazia e IPA programake anavkerdi sar  „Civil Society Facility and Media Programe 2015, menadžirimi tari Delegacia e Europakere Uniake an i Republika Makedonia.