O konekvence an i edukacia thaj o politike an o Govermenti e R. Srbiake si legarde aso bajraripa i konekcia e romane čhavenge ko edukaciakoro sistemi thaj dela bare rezultatia notioringja i Suzana Panuvić ko vakti kana dela sine o sertifikatia bašo o neve pedagoško asistentnia.

Ko utsavakeriba so kergja pe ko Univerziteti an o Kragujevac ko pervazia e proekteske" Akate siem savore - Europakoro suporto vash inkluzia e Romenge" oj akcentiringja kaj i pedagoško asistentnia so si bukajrne an o fundavno thaj anglofundavno isntitucie edukaciake keren importantno buti e čhavenge taro socialno telepravdi kategioria dizutne thaj romane čhave te šaj kerel pe kontinuiteti thaj kvaliteti an i edukacia.

O edukatoria an i F.Š. Brakja Ramiz i Hamid" an o Šuto Orizari ko Skopje astarel o sensi taro inkluzivno edukacia, kote akana efektivno del suporto sa e čhavenge te džan an i škola thaj te sikljon lačhe.

 O jekhto dive taro palonilaj jekh edukatori taro čhave so sikljon ko trinto kalsi ki fundavno škola "Brakja Ramiz i Hamid" an o Skopje angja jekh gono pherdo sezonsko zarzavati thaj emišia, barabutne thaj desave keksia. Oj čhivgja o gono ko maškar e sikjlojbaskere ofisoske akharel sa e čhaven te len po jekh artiklo so ola mangen.