Ko plo lil thaj rodaripa tari Internacionalno romani Unia - IRU prekal pire delegatoa a tele signaturaja taro IRU presidento Zoran Dimov maškar o aver tergjola:

“I Internacionalno Romani Unia si sevdžimi e Romenge ko Avganistan so dživdinen ko but phare šartia bizi protektia em bari dar. O Roma na trubul te oven viktimia ee neve Avganstansko govermenteske . O IRU akharela e UN, USA, EU thaj aver relevantno institucie  te arakhen urgentno humabitarno suporti e Romenge ko Avganistan.

Akana sa o thema sevdžinena pire dizutnenge dzutnenge thaj urgentno evakuirinen taro Avganistan ko akava masek acgust. O IRU rodela o manuša tee oven tronalde taro Avganistan em palo avgust, E Romen nane len them nane len resursia baši evakuacia e Romen so si ko Avganistan.

O Roma taro Avganistan darana pire statuseske. Ola si but bizo dokumentia em nane len ko Ustav e avganistaneske. O IRU akharel e UN, USA, EU thaj avere relevnatno institucien te dikhen e Romengoro status ko Avganistan em si targenti ko politikane aktivitetia odothe te den len suporto em protektiba olengere evakuaciake.

O UN valjani te del protektiva e Romenge so si bizi piri them . Ko asavke konfliktia buteder Roma mudarena pe - paše 1.5 milionia Roma ko Holokausri ko vakti taro Dujto Lumiakoro maripaem našavena sasto piro imoti bizo askereskere reparacie em bizi nisavi kompenzacia ačhoven bizi protektiva. Prekal o internacionalno šroekcie o regioni Panšir utarale taro Kabul šaj te ovel krizno than so šaj avel dži ko vicilno maripa ko Avganistan.

O UNICEF  kopordinirinela i distribucia taro vakcine e Koronaviruseske so si ki programa taro SZO Kovaks thaj UNICEF em vakerdo si kaj o krona vakcine si tiknjarde bašo 80% ko Avganistan kana si okupirimo o Kabul. Jekvaš taro doze e vakcinengere si dende dži ko Avganistan akana si riziko ka resen li odori. Ko jekh o Avganistan si riziko te resel sar krisno than taro Covid thaj o Roma so nane len themutnipa te ačhin em bizo vakcine. O Roma ko jekh valjani lenge em sastipaskiri protektiva ko Avganistan “ vakerel pe ko jekh lil bičhavdo taro IRU  em ko anav taro o president Zoran Dimov.

I Internacionalno Romani Unia - IRU sebepi o mudaripa e terne romske o Stanislav Toma taro Teplice  - R.Čehia so sine ko 19 juni akava berš protesno lilea dži ki Ambasada tari Republika Čehia ki RU Makedonia NE Miroslav Toman  tari rig  e IRU Presidenteske o Zoran Dimov. O IRU reagiringja akale akteske kaj si pasivno tari i policia premal akava akti odoleske o IRU akharel e čehiakere MAB e čehiakere themakere institucie thaj e europakere instutucie  akava akti te ovel prioriteto te faisalkerel pe em funndavutno rodaripe em te ovel transparentno  vakerel pe ki reakcia taro IRU dži ki Čehiakiri ambasadaki RU Makedonia.