Lungo vakti o NRC taro Kumanovo thaj o RDICM si kotor taro NGO organizacie ki them em lena than ko kreiriba ko pandžto Nacionalno akcisko plani ko Putardo govermenteskoro partnerstvo 2021-2023 berš. Ola sar kotor taro bukjarne grupe em olakere membrora kerena buti ko pobuter prioritetno umalja em bičhaven pe dži ko Govermento sar propozaloa em idee ko Putardo govermenteskoro partnerstvo. Odola aktivitetoa haljoven pe sar transparentnost, aktiviteto, inkluzia em aver. O Ašmet Elezovski sar Direktori ko NRC thaj o Zoran Dimov sar presidento ko RDICM em o aver 30 representoa taro institucie, NGO, Asociacie si but aktivno ko pire propozaloa em idee vash majlačhi em majaktivno komunikaciae Govermentoa em olakere institucie.
Ola si majbut angažirime ko umalja taro Konekcia ki kultura e putarde govermentoa, transparentnost em iknkluzivnost so definirinena sa o normativoa ko akava proceso, aktiviteto ko procesoa , promocia em motivi te len than ko sa o riga. O umalja kote than lena akala duj romane organizacie si buvle. Aktivno lena than ko sa o rabotilnice em buteder dende idee si akceptirime . Maškar o aver sar akti so keren buti kaj trubul klar kriterimuoa thaj transpafentnost kana isi bukjarnipa nominiriba persone ko funkcie em o problemo ko praktike ki inkluzia e NGO ko pčrocesoa kana anen pe decizie maškar o institucie em ko centralno em lokalno nivelo. Olengoro than leiba ko aktiviteto ko Nacionalno akcisko plano bašo Putardo govermenteskoro partnerstvo 2021-2023 berš džala majodoriga.

Pali notacia tari rig taro Govermenti o nekanutno deputato. Ministeri em vicemministeri o Samka Ibraimovski sar v.d. Vicedirektori ki „Makedonija pat“ piri notacija kergja o Zoran Dimov direktori taro TV BTR Nacional kote vakerel kaj lungo vakti io konto tari partia PCER si blokirime tsoske si borčlija e TV BTR Nacional so kergja olenge politikani rekalmno kampanja em nane pukjimi.
O borči si paše 5 berša sebepi so em dendo si ko izvršitelia. Dži ko avdisutno dive o borči nane irame a si paše 1 milioni denaria.
O Dimov pobuter droma oficialno dengja propozalo te mukhen leske love ko konto taro PCER te pšaj funkcionirinel i partia dende lafea kaj ka iranel o borči. Kana aven sine o love o Samka na ikerel pe sine ko dendo lafi em palem sine blokirime o konto taro PCER. Ama o Ibraimovskisebepi so aven sine love ko konto ov phravel sine aver telokonto ko anava tari Partia PCER kote salde ov čhivel sine piri signatura em lela sine o love ko anava taro PCER. Odova džanel thaj o teganutno ministeri bizo resori o Aksel Ahemdovski. Odolea o Samka kerel sine phagiba e kanonege.
O Dimov vakerela: „ O Ibraimovski kergja baro zijani e majbare em majavgo romane političko partiake ki Makedonia o PCER . Ko than progres ov e partia irangja la berđencar napalal. Oleske sine sar privat-biznis firma o PCER em dikhel sine pire interesia ko than o interesia e partiakere em e naciakere e Romengere.
Odoleske o PCER finansisko kolabiringjaAkaba si vakti sar ko anav e partiakoro astrgja direktorsko fotelja ki „Makedonia pat „e plataja te iranel po borči ko BTR . em te deblokirinel pe o PCER te šaj te funkcionirinel normalno.
Ov korkoro džanela kaj leste na mangena pobuter o Roma em odoleske neka chidel pe em te mukhel thaj e majternenge taro PCER. Valjani o PCER akale „grobare“ e partiakoro em te aven neve face. O avutno lideri taro PCER valjani te džanel kaj o o konto si blokirime ama dava lafi kaj ka arakhav desavo modaliteto tari miri rig te dav sasto suporto akale partiake em te arakha desavo optimalno faisali ko intereso e partiakoro PCER em ko intereso amare Romenge“ vakerel o Zoran Dimov ki pli notacia.