Ko pervazia e aktivitetenge thaj hazrkeriba i Romani Strategia 2021 – 2030 o ERGO an i Praga organizirinela o 15-to Europakiri platforma ki inkluzia e Romenge Maškar o invitirime uče reprezentoa taro europakere instiucie piro than ka lel thaj o IRU presidento o Zoran Dimov.

Ki duj e divesengoro mitingo ka oven ikerde pobuter panel diskusie thaj aniba konkluzia,

Sar majimportantno diskutantoa si i panel o Drmo anglal – egaliteto , inkluzia thaj participacia e Romenge ko vakti tari i kriza : Ukrainsko Roma našutne an i EU thaj andre raselime persone.

Mašpkar o aver diskutantno piri notacia ka ovel thaj e IRU presidento o Zoran Dimov.

Te vakerel pe ko jekh kaj maškar o diskutantnoa ka keren lafi thaj i Marta Garsia Fidalgo , konsiliaro e romane politikake ki Europakiri Komisia, GD bašo pregpvpria ko buvljaripa thaj o eurodeputatoa o Peter Polak thaj o Romeo Franc thaj avera.

O IRU thaj olakoro presidento Zoran Dimov majzorale kerena reakcia vash notacia taro eurodeputato Romeo Franz ksaj ov si Sinto thaj na hošinel pe sar Rom thaj majodoriga ka kerel buti ko interesia e Romane jekhinake an i Europa.

O IRU thaj o Dimov piri reakcia bičhavena thaj ki oelskiri Green partia kaskoro membro si o rajo Franz.

Dela pe džanlipa em pučiba soske akaja notacia si vakerdi taro Mep Romeo Franz ?

• Kamel li o rajo Franz te hulavel o terminologie Sinti thaj Rom?
• Džanel li ov i historikani karakteristika em konekcia maškar o Sinti thaj Rom?
• Džanrel li o Romeo Franz kaj o Sinti (Sinto, Sinte) si roomani nacia tari Maškarutni Europa?
• Džanela li (a pakjaja kaj džanela) kaj o Sinti sine tradicionalno nacia so sine travelsia thaj dromarena sine , em avdive tikno procento taro o Sintia dživdinena akava stili dživdipa?
• Ko anglutne vaktia ola but droma dživdinena sine ko avrutne kvartoa e dizjakere O Sintoa tari Maškarutni Europa keren lafi ki sanskritromani čhib so si diferentno e romane čhibjatar. , telal i presia em akcentia tari germaniakiri čhib.

E akana del pe pućiba so si I resarin te hulaven pea kala duj terminologie?

O rajo Franz te distanciringjape em vakerel kaj nane Rom soske tegani si šerutno šprotagonisti ko organiziriba konferencie, mitingoa em aver ko anav e Romenge?

Soske o rajo Romeo franz ko odola konferencie, mitingoa thaj aver pire asistetencar alusarel anava thaj organizacie prefiksoja „Romane“  ko šaj te avel, a ko na ko odola konferencie?

Soske kerel proektoa ko anav e Romengoro?

Ako ov na hošinel pe sar Rom , a mangel te del suporto e Romenge nali majlogično si te del suporto sar forma ko lobi em asistencia a na te ovel šperutno protagonisto ko anav e Romenge thaj Romane jekhinake?

Isi panda but logično pučiba thaj X faktoria so si o motivo thaj ko savo drom si vakerdi i lafjori:   “Me na hošinava man sar Rom“

Pučibe em dži oleste a ko jekh dži ki leskiri personalno Green partia te kerel kontrola pire motivenge em mangina taro olengoro membro o rajo Romeo franz.

Havde si kaj em si bari bibaht thaj revolto em ki reakcisa taro o avera romane organizacie thaj institucie ki akaja notacia taro Romeo franz . Džanrel pe kaj lungo vakti ov ko but konferencie thaj oleskoro aktivizmi fundirinel pe upral o aktiviteta em anav e Romengoro thaj i Romani jekhin a aver rigatar distancirinela pe oleskoro identitetpthaj ni kamel oleste so inicirinena kaj si ov „Rom“ Fakti so si but diskutabilno.

„Trubul te fisalkerel pe i dilema em i mangin. O IRU thaj i Romani jekhin nane te ačhol salde ko akava. Ka ridel panda antvortia bašo oleskere vakerde notacie“ vakerel pe ki reakcia taro IRU thaj olakoro presidento o Zoram Dimov.