O IRU sar majphureder thaj majbari internacionalno romani organizacia pire prezidentea o Zoran Dimov thaj olakere membria ka kerel reakcia dći ko sa o relevantnoo institucie an i Republika Turkia, em dži ki EU, UN thaj avera organizacie sebepis ar so vakerena o resle informacie ko na jekh a jekh tretmano e Romane jekhinake em olakeree suportoske s sine astarde ko regiono taro baro phuvjakoro tinanbia ko 6 fevruariu akabva berp epicentroa ko Pazardžik ki provincia Kahramanmaraš. O IRU sikavela piuri sevdža prekal o iunformacie taro piro delegato tari Tzrkia o Kemal Vural Tarlan kote em korkoro si tari i diz Gaziantep  so sine astardo taro akava katastrofalno phuvjakoro tinaniba.

E phuvjakoro tinaniba astardo sine em ko paše provincie sar so si, Adiyaman, Kilis, Osmaniye, Gaziantep, Malatya, Şanlıurfa, Diyarbakır, Adana em Hatay  kote dživdinena paše 13,5 milionia manuša, konektiribaja em paše 2 milionia sisrisko našutne . Prekal SZO o astarde regionia an I Turkia em Siria si than zatro paše 23 milionia manuša , konekcijaja em 1.4 milionia čhave . Ko odova numero preperen em I Rmani jekhin  so ko procentoa si baro numero ola da.

Prekal o agorutne informaciue upreder 40.000 manuša mule, a upreder 110.000 manuša si ratvarde . Ama nane špendžardo  numero viktimia taro o Roma. O rodaripa taro kerdo zijani sikavela kaj 56.080 objektia ko akala  10 provincie si pervade jail phare zijanencar. O Ministeriumo baši infrastruktura thaj transport informirinela kaj  237.000 manuša si evakuirime taro o regionia tari akaja katastrofa.

Numa del pe o poučiba dali o Roma taro akala provincie si jekh a jekh tretirime jail mukhle korkoro peste, Akanaska baši bibaht panda nane nisavi informacie a thaj odoleske  IRU kerela I reakcia te bičhavel dži k relevantno institucie an I republika Turkia,m I EU, UN thaj avera internacionalno institucie te šaj iranel pe I sanma ko akala phare momentia e manušenge so si ko akala kotora tari Turkia em Siria  konektiribaja em e Romen  ma te oven bisterde oal da taro o institucie.

An o 21 Novembro I Fondacia EVZ an o Berlin ikergja piri ničali sesia taro mitingo e Bordoske taro devoeritelia kote so dengja pe raporto thaj aktiviteto e Bordoske.Ko akava mitingo sar membro an o Bordo si o prezidento taro IRU o Zoran Dimov . An o mitingo trujal o raportoa sine diskusie thaj bašo prioritetoa thaj aktivitetoa ko avutno berš.

O Odboro taro doveritelia anela decizie bašo sa o fundamentalno pučiba so si kotor tari opservacia e Fondaciake taro EVZ.

Ola notirinena o fokusoa taro o finansie thaj aktivitetia e Fondaciake, zojrakerela o dromia ko istemalkeriba o resursia. O Odbori taro doveritelia si internacionalno a olakere akanutne 28 membrora si deligirime prekal 4 beršengoro mandato, sar egzamplo prekal o germaniakoro Bundestag thaj Bundesrat, germansko ekonomikane akteria thaj taro o thema e, organizacie konektirime ko internacionalno korelacie so angja dži ko formiriba taro EVZ.

O Odbori taro direktoria si džovaplime e aktivitetenge e Fondaciake taro EVZ a implementatoria e ande decizienge si o Odbori taro o doveritelia.