O Presidento taro IRU, vicepresidento ko ERTF thaj o koordinatori taro Netvorko bašo sistemsko thaj savakteskere faisalia baši integracia e Romane jekhinake ki Utarali makedonia o Zoran Dimov pali akharin tari Europakoro parlamento ko Brisel arakhel pe ko nekoborkurkeskiri bukjarni vizita akale instituciake. I vizita si sebepi olekoro leiba than ki Konferencia konektirimi e Romencar popendžardi sar „Romani Week 2022“ so ka ovel ko maškar taro masek Maj.

Ko odova konteksti akala nekobor kurkesa o Dimov ka ovel ole dikhiba e uče europakere funkcionerencar tari EU. Ka ovel ole šajdipa te prezentirinel i Romani Strategia kreirimi taro o Netvorko bašo sistemsko thaj savakteskere faisalia . Jekh taro o importantno momentia si em i promocia taro IRU so kerel zori a odova si prezentacia thaj putribe ofiso ko Brisel bašo Romano ombdusmano em si akana baro piro angel ki integracia e Romenge ko europakere institucie.

Ko periodo so avela ka organizirinen pe pobuter mitingoa diferentno Europakere agenciencar maškar so ka kerel pe lafi sar te del pe majbaro suporto e Romenge tari Ukraina em jekh a jekh tretmano.

Ko periodo taro oleskoro nekoborkurkeskiri vizita an o Europakoro parlamenti an o Briseli ov ko piro ofiso so akale vizitake dengja le o Europaralemnti ka ovel le dikhiba pobuter uče europakere lideria thaj eurodeputatoa em romane organizacie thaj asociacie so ka oven ko odova periodo ko Brisel.

O maripa an i Ukraina , e refudžiz krizaja i sistuacia e Romencar tari Ukraina ,, em o aktivitetoa so kerel o Netvorko ki integracia e Romenge tari Utrarali Makedonia sine salde kotor taro o diskusie thaj prezentacia so kergja o Presidento taro IRU thaj koordinatori taro o Netvorko o Zoran Dimov Ov piri percepcia thaj palnoa notiringja e reprezentenge tari franciakiri ambasada an o Skopje o rajo Igo Beštel – Konsiliaro kulturake thaj tehnikani kolaboracia  thaj direktori francusko instituteteske an o Skopje thaj i Džuli Maraval atađe vash kolaboracia ki franciakiri ambasada.

O Dimov notiringja kaj si baro brivda o najekh tretmano prekal o našutne Ukrainsko Ronma sar ko simantre agjaar da kana aven em akomodinen ko thema taro Europakiri Unia . Ko jekh ko nivelo e Makedoniake o planoa thaj strategie ki integracia e Romenge em o lende aktiviteto sar so si o Pedagoško asistentnoa.

Ko odova segmento o Igo Beštel thaj i Džuli maraval hazri si te den pri akcepcia em suporto ko odola aktivitetoa.

Ko agor taro o mitingo o Dimov ko anav taro Netvorko degja i Plaketa vash baro aktiviteto em suporto e Romane jekhinake kote i francusko amabasada reslja la persi berš ko vakti tari notacia 50 berša IRU thaj o Internacionalno Romano dive 8 Aprilo. Oj si akana dendi sebepi so persi berš našti sine sebepi o protokolia e Covid 19 pandemijaja.