Šov dženengiri IRU delegacia an o Brisel legardi taro IRU presidento o Zoran Dimov taro 24 dži ko 26 januari si k Brisel pali akharin taro Europakoro Parlamento sebepi ntacia o Internacionalno dive vash memoria taro Hlokausti . Ola  lena than ko akava dive tari akaharin e Ezropakoro parlamento thaj i eurodeputatka Livia Jaroka, O šerutnoo akcenti si ko 25 januar a ko mismeri i IRU delegacia ka ovel ko aktiviteto taro Porajmos, Lipar performanso thaj Koncerti vash Holokausri e Romengoro.

Ko maškar vakti i IRU delegacia legardi taro presidento Dimov sine len dikhiba em mitingo uče europakkere funkcinerencar, taro EP em i Europakiri Komisia. Olen sine len mitingo e presidentea taro EP i Roberta Mecola kote informiringja len vash aktivitetoa e IRU skere thaj i situacia e Rmencar sar tari Europa agjaar em buvleste, Ko jekh sine len dikhiba e Konsiliarea tari Eurpakiri Koomisija vash Romani integracia em buvljariba e Uniake i Marta Garsia Fidalgo a o fokusi sine vash situacia e Romencar taro paščimalo Balkan Ukraina, Moldavia  thajj  Turkia em resle lake raportoa e problemonge so arakhen pe o Roma ko odola  thhema.

Trujal o predsidenti Dimmv ki IRU delegacia si panda o Atma Sing tari britasnija , bijannipaja ki India, Lucica Tudor Romania, Veli Husein Kroacia, Admir Ismanovski Danska thaj o Dzrmiš Kjazim tari Belgia, Sar tikni sama i IRU delegacia dengja bakšiši sar umetnikano artiklo e presidenteske taro EP i Mecoa kerdi taro amaro romano umetniko o Durmiš Kjazim

O IRU sar majpurani thaj majbari romani internacionalno organizacia so si upreder 52 berša , pire aktivitetoa eštabliringja oe sar lider internacionalno romani organizacia . Taro 2016 berš ko vakti taro 10’to IRU Kongres kana sar presidento sine alusardo o Zoran Dimov. Oleskere alusaribaja  thaj o alusariba e neve presidiumeske taro IRU ov vazdingja pe ko jekh majučo nivelo kana si ko pučiba oo interes e romane naciake . Palo odova o IRU ko UN irangja piro ECOSOC statusi, eštabliringja pe ki fondacia ko EVZ sar ničalo memvro ko Bordi , importantno faktori an o ERTF  ničalo partenri ko mitingia soo sine organizirime taro EU, EP, EK, SE thaj aver europakere institucie.

Sako drom o IRU reagirinel sine em dela sine konkretno drumia e relevantno europakere thaj lumiakere organizacie, Akana aso o IRU presidento Zoran Dimov ko piro angloneveberšeskoro intervju e drabarutnenge taro Roma Times potencirinela.

-Sar olakoro aktuelno presidento thaj k jekh e timea taro IRU ko sasto akava periodi so nakhlja kera sine buti ko zoralipa e kapacitetenge taro IRU thaj odova reslem da. Odova si soske sine amen seriozno akcepcia thaj komunikacia e membroncar taro IRU si li odoova ki ZOOM komunikacia jali ko amare Parlamentarno sesie Dikhaja sa o aktivitetoa thaj aktivno laja sine than ko aniba importantno decizie em dokumentoa, Konsatno laja sine than ko but internacionalno mitingoa kote siam sine akaharde taro relevantno organizacie.

Akana amaro fokusi si ko organiziriba e 12 to IRU Kongresiu so si planirime ko periodo taro masek mart jali april 2024 berš so ka ovel panda aver aktivitetia trujal o alusar e neve Presidiumeske thaj Kabineteske.

Si man hoš kaj trubul „neve takatia“ an o IRU ko akava Kongresi ka fokusirina amen ko neve memvria em progresivno takatia  ko IRU. Ko jekh o Dimov akcentiringja kaj ko avutno 12’to IRU Kongresi ko 2024 berš  ka anel pozitivno darhianile trampe ko interes e Romane jekhinake.

Odoleske potencirinel pe kobor si imortantno akava IRU Kongresi kote aso o residento Zoran Dimov thaj sa o aver membria em delegatora trujal ola ka oven em baro numero misafiria ađso si učefunkcioneria tari Europakiri Unia, UN, thaj aver organizacie, fondacie em khedipa.

Ko agor o Zoran Dimov bičhavgja bahtarina ko piro anav thaj ko anav taro IRU dži ko sa pire kolaborantia, amala, partneria  sebepi Krečuno thaj neveberšeskere divesa mangipaja sastipe, baht, prosperiteti, sukcesi thaj čhinavipa sa e konfliktenge ki lumia em te avel sansari an i lumia.