„O Kongresi ko London kergja unibe sa e Romenge tari lumia! Lipargja o Tore Jarl Bielenberg, žurnalisti, artistikano direktori, menadžeri thaj IRU delegati tari Norveška
Avgo drom zapendžargjum e Raja kana tegani panda akharel pe sine Raisa Udovikova ko 1964 berš kana sium sine reporter e norveđko gazetake an I Mskva. Oj sine šerutno akteri ko pendžardo teatri Romen. Prandingjam amen ko 1966 berš em palo odova geljam ki Norveška olakere duj e čhavencar I Nataša thaj Oleg. Sebepi čhibjakiri bariera I Raja kerel salde rusko em romane lafi. Em trampingja piri profesia tari gluma ko kheliba thaj giljajba. Kana palo odova siklili I norveško čhib khelel sine ko pobuter drame ko teatro thaj ko filmia. Me da taro žurnalisti uljum olakoro menadžeri thaj translator e lilenge (kergjum translacia paše 100 lila taro šov čhibja ko norveško čhib).
I Internacionalno Romani Unia si majpurani internacionalno organizacia . Me sem delegato an o IRU . Isi amare ofisia an I Viena, Ženeva thaj Vašington, Presidento si o Zoran Dimov ofisea an o Skopje Utarali Makedonia, Ko IRU isi pobuter taro 50 thema. Trubul te ovel pe aktivno em organizacisko talent te kerel unipe maškar o Roma taro štar kontinentia so preperen ko diferentnoo čhibjakere grupe. Akava nikana na sine lolhi buti. Amen keraja maripa mujal I diskriminacia , segregacia, em birokratia. Legargjem em viktorie em našavgjem da but, O bičalipa bajrola ko Roma sebepi naherde dende lafia taro thema em so nane rezultatia, But javer Romane organizacie ale em gele peske, Ama o IRU panda si akate, Bašo olengotro pobuter taro 50 berša funkcioniriba sine centralno romano takati em inspiracia taro globalno mariba bašo Romane niamia em importantno instrumenti bašo jekhipa em solidariteto prekal o simentre ems a o romane grupe.
