An o pervazia taro 15-to Europakiri platforma an I nkluzia e Romenge so sine an I Praga , Čehia ko 25 thaj 26 oktobro kote than lelja thaj o IRU president o Zoran Dimov , ko vakti akale mitingoskre sine le tikno dikhiba maškar o Diumoov thaj o eurokomesarka bašo egaliteto I Helena Dalli . Ko jekh angleder jekh čhon ko vakti tari konferencia ko Briselo o president taro IRU Dimov sine le dikhiba e membrencar taro kabineti tari Dalli kote dengja lenge dokumentoa vash plannirime aktivitetoa taro IRU . ko vakti taro olengoro tikno dikhiba an I Praga o Dimov thaj I Helena Dalli zojrakergje o aktivitetoa ko akcenti te profunkcionirinel o Romano investicisko fondo – RIF .
I eurokomesarka Dalli sine anglutne da zapendžardi akale aktivitetoa taro Romano Investicisko Fondo thaj kerel zor vash oleskiri implementacia thaj profunkcioniriba . Sar konkluzia taro sa akava ando si kaj oalem ka ovel len dikhiba ko masek decembro an o Briselo ko kabineto taro eurokomesarka Dalli numa akana buvleste saste kabinetoa te šaj buvljarel pe majbut akava Strateško pervazi e Romenge kote jekh sar importantno punkto si tahj I realizacia e elementarencar taro Romano investicisko fondi.
