I pacientka so muli ko 22 berš dživdipe , avili ki Klinika ko 23-to Novembro em odova trinto drom, kote I angluni rakj avili duj dromaem na mangel sine te ovel hospitalizirime a sine lake vakerdo kaj kerel riziko em peske em e bebeske, ama pali primimi infuzia oj korkori del sine signature ko lil em džala peske sine.
I direktorka tari Ginekološko akušersko klinika Viktoria Jovanovska bašo mediumia vakerel:”Kana ali ki javin po dujto drom olate sine više mulo o bebe ko vogji em sine ki but blačhi sastipaskiri situacia em sine legardi ki šok soba em bijangja carsko rezea. Oj sine ko 27 kurko sar si khamni em avgo drom sine khamni , ama na džala sine redovno ko kontrole – vakerel I direktorka.
Oj na mangel sine te ovel hospitalizirimi ko hospitalo ko kotor kote sasljaren pe pozitivno Kovid pacientia , a ola sine la negativno testi , ama o laboratorisko em o simpotomia sugeririnen sine kaj si la Kovid. Odola pacientia so si len simpotomia taro Kovid tretirinen pe sar suspektno em si čhivde ko oddeli taro Kovid, ama na ko pozitivno numa ko suspektno pacientia.
I pacientka so muli sine la simptomia taro gadiba, čhadiba thaj dijarea , na sine klasično simptomia taro khujniba em temperature. O kerdo PCR testi sikavgja kaj si pozitivno , a ten a ovel da la sine testi dži kote I kliničko ilisutracia sikavel kaj šaj si la Kovid oj ka ovel sine tretirime sar te ovel ola Covid 19, agjaar si ki amende em sakote ki lumia.
-I familia sine but sekirime soske ola da ubedinen la sine te ačhol, našti vakeraja kaj sine em mardi , ama olate sine la da em rata ko nakh so šaj da te ovel sine khuvdi nekastar, ama oj odova na mangela sine te vakerel amenge” vakerel I direktorka.
Naoficiačno I 22 beršengiri muli khamni si Romani tari romani mahala Dame Gruev ko Skopje.

fShare

Tweet