Peravde si duj trafike so si ki lokacia taro Zeleno Pazarče ko Skopje. Ko odola trafike bikinel pe sine em tekstili , a o gazdia na mangena sine te keren lafi em te vakeren soske , ama vakeren kaj akana ka ačhon pe droma bizi buti em bizo love. Ki akaja lokacia akanaske ačhili salde jekh trafika.
I trafika so ačhili em nane peravdi si I biletara taro JSP . Tari komuna Centar vakerena kaj e trafika si la oficialno dokumentoi bukjake. Trujal so akana odola trafike ačhile bizi buti o gatdia e trafikengere ka valjani em korkoro te pukjinen e mehanizacia so avili te peraven olen .
-Korkoro ka pukjinen peske o peraviba e trafikengoro soske nekobor droma vakergjem lenge angleder korkoro te chiden olen , ama ola odova na kergje le” vakeren tari komuna Centar.
Tari komuna Centar vakeren kaj akaja akcia kergjepalo rodaripa tari I diz Skopje . Numa te vakerel pe kaj ko akava than pobuter taro 20 berša sine funkcionalno akava objekti em ikerel le sine o pendžardo romano biznismeni Gani Gani so barabutne pe familijaja ko odova than bikinen sine em sine lenge fundavutni egzistencia.

Youtube:

fShare

Tweet