Ko 11 decembro phergje pe 4 berša sar muli I majpendžardi thagarutni e romane muzikake I Esma Redžepova Teodosievska. Oj muli ko 2016 berš.
I Esma si bijame ko Skopje ko 8 avgusti 1943 berš . Oj sine pandžto taro šov čhave tari Kjania em o Ibraim Redžepovi. I kariera počmingja la pohari turneencar trujal I Makedonia. O avgo olakoro giljajbe avrial tari teganutni SFRJ sine ko 1961 berš ki Bugaria.
Oj taro 1960 berš počmingja te dživdinel ko Beograd. I Esma nikana na bijangja pire čhaven ki prandin e Stevo teodosievskoja ama posvoingja 47 čhaven . Sa ola bajrona sine em educiringje oe ko ansambl “Teodosievski”
Ko 2013 berš reslja o barpo phursako Nacionalno artisto ki Republika Makedonia.
I Esma snimingja pobuter taro 580 gilja kote duj sine platinasto em ofto zlatno ploče . Giljavgja ko pobuter taro 22.000 koncertia kote upreder taro 30% olendasr sine em humanitarno. O Ansamblo Teodosievski snimingja 108 singlia, 37 kasete, 15 CD , 6 video kasete em buteder TV emisie.
Ko socialno netvorko sebepi 4 berša meripa tari Esma o Simeon Atanasov hramosargja statusi . Ov si jekh tari 47 olakere posvoime čhave so dži ko agorutno dive sine olaja. Ov ko piro FB profile hramosargja: “ Nakhle štar berša sar geljan a me panda marava man te kerav tumaro amaneti . Akaja them na sikavgja nisavi mangin em repsekto premal tute, bari ladž! Ama me majodoriga ka kerav tumaro amaneti te pherav. Lokhi ti phuv mi daj!

fShare

Tweet