O Ex premieri tari Slovakia Robert Fico si šubikerdo bašo rasizmo sebepi o komentari bašo teleperaviba e romane populaciake , informirinen tari slovakiakiri policia.
O kriso notirinela kaj o Fico phravde akceptiringja pe e notaciaja mujal o Roma so vakergja le o deputati tari ekstremno nacionalno partia.
O deputati Milan Mazurek so si membro ki Nacionalno Partia „Amari Slovakia“ ko 2016 berš vakergja kaj „O Roma nikana khanči na kergje pire naciake“
O Mazurek si krisime bašo rasizmi akava berš em sine avgo deputati ki Slovakia so nađšavgja piro deputatsko mandato an o Parlamento palo andi kriseskiri decizia.
O Fico palo odova komentiringja kaj paše i sasti nacia akceptirinel o lafia taro Mazurek.
Tari policia vakerena kaj dži kote o Fico krisinel pe em si proklamirime kaj si bango šaj te ovel krisimo 5 berš phanlipa, vakerena o mediumia
