Ko kurko javinate ko pašipa taro Kliničko Centro ko Niš o 23 beršengoro M.Z.bizo ništo kergja atako em posavgja ko vofi 15 beršengere čhave so mangel sine devlenge em sine ki odoja lokacia.
Premal o avgo informacie o viktimi nane ko dživdipaskoro riziko em si hospitalizirime ki Čhavorikani Klinika ko Niš.
O Ministerimui andrune bukjenge ko Niš iklilo informacijaja kaj si astardo o M.Z (23)telel šubikerin kaj kergja akava došperavibaskoro akti „ mangipa te mudarel“ em dendo si leske 48 saatengoro pritvor.
Prekal i informacia ov ko kurko javinate ko pašipa taro Kliničko Centro ko Nip čhurikaja ko vogji posavgja e 15 beršengere čhave em sine phare ratvarina.
Prekal o mediumia o M.Z- palo odova korkoro avilo ki policia kana dikhlja i informacia ko mediumia bašo akava atako.
- O manuš so kergja o atako nadžanel sine so te vakerel soske kergja akava atako. O čhavo rodingja lestar love, a akava ikavgja I čhurik em posavgja le ko vogji . Na čhinavel pe o faktori kaj šaj sine da mato vakeren o mediumia.
O šubikeripaskere manuše dendo si leske 48 saatengoro pritvor em trujal o došperavibaskoro akti ov sio ando ko Učo Kriseskoro Ombdusmano ko Niš.
