Diferentno forme akcie buvljaren pe prekal socialno netvorko te motivirinen peo manuša te len asavke akcie , te konektirinen pet e kinen nesave bukja jali te den I informacia. Asavke akcie šaj te oven taro hairi em edukacia e manušenge te den suporto avere manušenge.
O Patrik Lakatoš čehiakoro themutno Rom so dživdinel ko Kent , Britania kerel buti sar beriberi, faisealkergja te istemalkerel o FB. Ov editirinel sine maškar o amala te iranen piri sama ko dživdipa e manušenge so si bizo khera pe droma em te del olen suporto.
"Sako drom kana dikhav sine čorole manuše me dav le sine love. Jekh drom ked nakhljum trujal čorolo manuš aver manuš pučljama soske dava love e čoroleske so majpakjavutne ka del odola love alkoholeske. Kana aljum khere dikhav sine opcia sar te kerav aver čhane” vakergja o Lakatoš bašo HFC), proekto tari Čehiakoro govermento.
Palo odova o Lakatoš vakergja pire amalenge prekal FB te kinen hajbaske em te distribuirinen ko manuša so sip e droma. Ov agjaar motiviringja pherdo personen em taro nekobor europakere themenge so dikhen sine oleskoro aktiviteto.
