E srbiakere funkcionerenge thaj političaria , trujal o sutavno zagarantirime anavkeriba sar Roma olenge panda siam – Cigani.

Ko internet iklilo liloro tari Suzana Vasiljević konsiliaro ko kabineto taro Aleksandar Vučić bašo mediumia em jekh taro šerutne promotoria e propagandake ki legarutni srpsko partia.

Maškar o aver ko plo dendo lil dži ko premieri Ivica Dačić vakerela: „ Kerav sine protektiriba tire personalno interesenge, stopiringjum desave aktia ko mediumia em TV mujal tute, kerav sine politikane kampanje ko internacionalno nivelo, na kaj sium špioni numa avgo drom gindingjum kaj šaj kerav šukaripa mire themake.

A tu mukhea jekh eks prostitutka miro em tiro anav te sikavel ko internetn em TV em te daravel man em te bičhavel mange vulgarno mesažoa prekal SMS.

So te vakerav e žurnalistonge kana pučena man sium li informirime kaj ti romni angleder desave kurke agorkergja ki psihijatarsko hospitalo sebepi sdo isi tut afera desave Romane džuvljaja – Ciganka?

Faktea kaj sium profesionalco thaj panda kerav buti tuke , nikaske na vakergjum o čačipa em ko tergjol palo akava sa. Na sebepi tiro, numa sebepi miro em tire familiakoro.

Odoleske molisarav tut te faislakere sar džanea tiro problemo „ tergjol an o hramosardo liloro tari Suzana Vasiljević.

Link: https://inforadar.co/vesti/najvaznije-vesti-iz-arhive/vuciceva-savetnica-dacicu-zena-ti-je-zavrsila-u-bolnici-zbog-tvoje-afere-sa-nekom-cigankom/?fbclid=IwAR0yvYI8UXIOMnoz4TaJGsvaEeqyOwPL9VipE1vAKHmOKS4odBUH7WaQnPo

O berš so nakhela o Roma sasti Europa sine diskriminirime, paldime telal rasizmo em terori so hošingje le ki pli morthik em avel sine em taro govermentoa.

Jekh taro šerutne teme e persiberšeskere alusariba i tema sine ko UK o buvljardo rasizmi taro bare legarutne britansko partie. Konkluzia si kaj i islamofobia  sine ko konzervativcoa, a ko laburistia o anti semetizmi.

Ko jekh nane bisterdo ni lungoberšengorofenomeni taro konzervativcoa , Odova si i diskriminacia mujal Roma thaj Travelsia ki Britania kote gejnena upreder 300.000 manuša.

O diskriminacie mujal Roma thaj Travelsia si ki majbari forma taro rasizmo ki Britsania, kote trujal o rasizmo taro politikane partia odova o mediumia na notirinen em učharen.

Link: http://www.portal-udar.net/velika-britanija-rasizam-sve-vise-prisutan-u-vladajucim-partijama/?fbclid=IwAR2cWanqE_IHv-ffoHshh92KdY_Uf11dD9a4t6pb6tWHlYFYcKUVqQWoDbU