E Europakoro parlamenti ko Strazbur hangingja o nevo khidipa tari Europakiri Komisia legarde tari Ursula fon der Lejen em o neve 26 komesaria.
E 461 vote „oja“, 157 “na” em 89 nautralno, sine zojrakerdi I nevi Europakiri Komisia. Anglal te del pe I vota I nevialusardo president e Komisiake I Ursula fon der Lejen, e parlamentarconge sikavgja piro kabineto thaj programa.
„Trubul te sikava amare amalenge taro Paščimalo Balkan kaj hulava jekh a jekh kontinento , jekh a jekh historia, kultura em ka hulava jekh a jekh jazia. Amare udara ačhona puterde” vakergja I Fon der Lejen kop lo notiribe kana sikavel sine I programa taro nevo mandato e Europakere komisiake.
Ko džanel savi ka ovel sine I jazia tari Jugoslavia dži kote nesar so e publikake sine napendžarde te ikljol sine o plani so kergja le o Josip Broz Tito.
Neko avdive nostalgiajaden pe godi e Jugoslaviake em vakeren kaj tegani dživdinel pe sine but pošukar numa avdive, a avera vakeren kaj I Jugoslavia sine veštački kerdi so deceniecar khedel sine zori te kerel unibe sa e naciengoro so našti sine te oven khedime.
Numa na džanel pe savi ka ovel sine I perspektiva e Jugoslaviakiri dži kote o plani taro Tito ovel sine, a but džene nadžanena sine odoleske.
Nesave historičaria esapinen kaj o Tito manglja panda pobari Jugislavia so ka ovel na salde regionalno numa em lumiakiri zorali then em jekh btaro majbare ki Europa.
I istoričarka Sabina Ramer persi berš bašo mediumia vakergja kaj I SFRJ e Titoa manglja te kerel integralno Jugoslavia so ka konektirinel em o kinare trujal I Judoslavia: Grcia, Albania, Bugariaem I sasti provincial Furlanija.
Ama okola so sine bašo jugoslovensko iredentizmi sar so sine o monarhistia em republikacia ko vakti angleder te kerel pe I Jugoslavia ko 1918 berš.
O politikano aktiviteto taro Zveno ki Bugaria, kerja I idea tekonektirinel pe I Albania em Bugaria ki barabutni them taro Purabale Slovenia. I asociacia taro Zveno lelja than ko peraviba e presidiume ki Bugaria ko 1934 berš . Roden sine uniba e Franciaja a konektiriba e Bugaria ki Jugoslavia. Em e britaniakere govermenti ko vakti taro Dujto lumiakoro maripa dengja suporto e ideake te kerel pe Bari Jugoslavia.
Ko dujto lumiakoro mariba o Tito vakergja kaj e Jugoslavia isi la niami ko Trst em sasti Koruška, konektiribaja em I Austrisko Koruška.
„Tromalkergjam e Koruška ama o internacionalno šartia sine asavke so trubul sine te ikljova olatar. I Koruška si Amari em amen olake ka mara amen” vakergja o Tito.
Ko jekh iklili intersno mapa so sikavel sar ka ovel I SFRJ dži kote o planoa taro Tito ikljon sine ko duj aktia: - e maršaleskiri vizia te konektirinel I Albania em kotora tari Romani , Grcia em Solun - O kompromis taro Bled maškar o Tito em Dimitrov so konektirinel integracia e Bugariake ki jekhin taro jugoslovesko thema.
O autori akale mapake notirinel kaj ko desavo “paralelno universumi” ki komunistikani revolucia ki Grcia kotorvale ka ovel sine kolea so nesave thenma ka hulaven pe sine em ka aven sine ki Jugoslavia.
O učo kriso an o Minster na mukhel buteder te oven funkcionalno registarsko tablice so si len „HH 1933“ soske but asocirinela ko period taro nacionalsocializmi em kana o Hitler sine lideri , em si kontra o niamia ko respektriba o morali em o adetia.
„I kombinacia numeria em bukve upral I funda taro sasto džanlipa e historiake, si sar konekcia e nacionalsocijalizmoa em odova režiumi, so si kontra o kanoni ko embargo taro morali em adtia” vakerel pe ki elaboracia ki andi decizia taro kriso.
„HH 1933“ asocirinel ko nacionalsocialistikano slohani “Heil Hitler” , a 1933 si berš kana o Hitler alo te ovel lideri e nacionalsocialistonge emu lo lideri ki Germania.
O kriso odolea frdel ki rig o akti taro murš dženo tari germaiakiri diz Virsen kote oleske e dizjakoro ofiso majanglal mukhlja ole te oven le akala registarsko tablice, ama paloi notacia taro jekh dizutno , irangja po anado dekreti.
Palo odova o manuš rodingja taro kriso ko Dizeldorf so dengja le niami em palo odova dži ko majučo Kris ko Minster , emo v da angja decizia sar o matelumo kriso.
Soske ni jekh legaripa našti ačhol bizo leskoro. Em sar isi le sukcesu te ovel paše sano legaripaja, si salde jekh kotor taro storie so o deputato Amdi Bajram ka hulavel len ko šou “ Eden na eden”
O Žare kergja leske jekh interesno khelin “Rota bahtake” kote o rajo Bajram jekhe lafea ak valjani te ilustiririnel pire kolegen političaria.
Olenge kerel sine lafi em avere aspektondar, ko si majšukar sar amal ki kafan . “Palo Branko o Sašo Mijalkov” , a o “Obama si mange bratučedi – nipo” vakergja ov.
