Ko parlamenti sine fundirime em promovirime i Interpartisko parlamentarno grupa (IPPG) ko suporto ko niamia e Romenge, olengiri inkluzia em integracia ki Republika Utarali Makedonia”, kote representia si deputatia taro diferentno politikane parti.

Bašo koordinatori ko IPPG sine alusardi o deputati Ljatifa Šikovska a vicekoordinatori si o deputatia Ljupčo Balkovski em Igor Zdravkovski.

Ko akava mitingo o presidento ko Parlamento o talat Džaferi sine le diskusia so sikavgja suporto akale incijativake ko fundiriba  akale grupake so kerel sine lafi ki protektiba e progresia ko niamia e Romengere ki them.

Ko mitingo than lele em o vicepresidento ko Parlamento membria taro Komiteto ko vjavaharia e jekhinege i Komisia jekhutne šajdipaske ko džuvlja em mirša Klubi deputatenge taro desave naformalno grupe taro IPPG ko Parlamento, deputatia avera , nekobor ambasade em respresentoa taro abro numero romane NGO.

O koordinatori Ljatifa Šikovska vakergja i resarin e misiakiri o targeti em o prioritetoa akale grupake. O manuša so sine sikavgje bare respektoa premal o koordinatori e Grupakke em i fundirimi Grupa o specvifikacie e romane jekhinake aktuelno teme em idee diskusie baši digra ko niamia e romane jekhinake so ka dikhen pe ko aver mitingoa.

O roma si etnikumo specifično profilea em problemencar em odoleske ka valjani but baro angađžamano tari them em moralno obligacia ko kanonikani regulacia ko saositno dživdipa  em majbari participacia e romane jekhinake ki them ko dživdipa ki Republika Utarali Makedonia.

Ko odova kontekst ki diskusia sine liparde o akana mule Faik Abdi em Amdi Bajram sar representativno membrora e romane jekhinake so kergje barui buti upral olengere e romenmgere niamia.

Palo o nasukcesi e Romane jekhinake te resel importantno pozicie sar ko Parlamenti agjaar em ko Govermenti , palo agor taro parlamentarno alusariba ki Republika Utarali Makedonia i formiriba e Govermentoske legardi taro Premieri o Zoran Zaev , dela pe o pučiba: Sar majodoriga te funkcionirinel  o importantno em prioritetno pučiba kana si ko fokusi i Romani jekhin?.

Ko angloaluasribaskoro periodi o teganutno lidero taro SDSM , Zoran Zaev dengja lafi kaj desave ministriumia ko Govermento ka oven čhinavde ama odoleske ka formirinen pe agjaar anavkerde Direktorijatia, kote aso o Zaev jekh si reuervirimi em e Romane jekhinake. Odova si aso desave drum ia te prelen pe o ingerencie taro nekanutno Ministeri bizo resoro ki implementacia e akciono planonge tari Romanei Strategia.

Ama o Direktorijato sar ka funkcionirinel panda nane klar. Ko agorutne 2-3 berša o NGO sektori kergja debate em diskutiringja sar te ovel majsukcesiale o Ministeriumi bizo resor, kote sako drom sine čhivdo partisko manuš , so implementirinel sine partisko agenda , nozo pobaro desavo feedback ko diferentno umalja kote si akceptzirime i romani jekhin.

Odoleske o Netvorko ki akcepcia e saste em sistemsko faisalia , o romano NGO sektori , o Presidento tari Internacionalno Romani Unia (IRU) o Zoran Dimov em o naformalno asociacia RDS bašo Roma Times vakerena kaj te funkcionirinel majsiga o Direktoriato ki implementacia e Romane strategiake . Ko akala pučimata bašo Roma Times o Presidento tari Internaciobnalno Romani Unia –IRU o Zoran Dimov potencirinela:

„Sar avgo em majimportantno o alusar taro legarutno e Direktoriajtoske te ovel alusardi persona so ka ovel napartisko em te ovel hazri te presel o savale, te ovel le uči universitetsko edukaciaem te ovel alusardo ko Putardo Konkurso. Ko jekh dav propozalo te kerel pe timo so nane te ovel partisko numa profesionalcia so saste ka keren buti em ka den rezulatatoa.

Ko jekh o Direktoiato te ovel džovaplime ki realizacia e Strategiake e Romenge em te ovel lideri institucia ko sikaviba themakere politike baši Integracia e Romenge ko sasoitnipa. O govermento te legarel i obligacia te na učharen pe paralelno o ingerencie avere strukturencar so ko momenti funkcionirinen ko desave ministeriumoa.

Sar efikasno realizacia valjani konstruktivno dialogo representoncar tari Romani jekhin, sar so si o deputato i rajona Šikovska, o rajo Asan Ferat em abver koaliciono partneoroa taro politikano blčoko em o Romano NGO sektoro.

Formiribaja o Direktoriato ki implementacia e Strategiake e Romenge , i Republika Utarali Makedonia dopherdo ka bičhavel pozitivno signalo e Europakere Uniake baši integracia em faisalkeriba e Romane jekhinakle ko sasoitnipa. Ka del sasti ilustracia kaj o Govermento e Republika Utarali Makedonia na salde deklarativno, nima em ki praktika kamel te implementirinel o „Jekh sasoitnipa savoirenge“ vakerel o Zoran Dimov.