I inkluzia e Romengiri ko sasto sasoitnipa si importantno indikatori odoleske koboor I Utarali Makedonia so kerel pregovoria bašo te khuvel an I EU si sukcesiale ko uniba taro diferencie.

Ko nakhle berša but si kerdo ki sasti Europa te kerel pe protektiva e Rmane kulturake, i čhib thaj nadiskriminacia e Romenge so savaktestar sine la bari impresia ko šelberš ko Roma em panda dikhel pe  ko thema tari Europa, ki EU  thaj buvleste sar so si okola thema so legaren  pregovoria.

I Utarali Makednia trubul te džanel kaj I EU prependžarela o pharipa em I diskriminacia tari prizma e ekonmsko dživdipaske os arakhen pe o Roma an i Them.

I EU rodela sa o thema te keren Strategie NAP thajh akcisko planoa ki inkluzia e Romenge konektiriba thaj i Utarli Makedonia.

Sar situacia ki Utarali Makedonia , I EU dela suprto ko strategie ki inkluzia e Romenge  so  Govermento akceptiringja la ko 2022 berš, thaj odova dokumenti na trubul te tergjol salde ko lil numa te kerel pe kaj akaja strategia ka implementirinel pe an I praktika.

Numa sad ova rodela  em politikano mangipa, koordinacia thaj partnerstvo . A džanaja  kaj I Romani  jekhin ko than te uštel, oj sa pobuter džala ki apatia, čorolipa thaj naoptimizmi.

I them nesar sa o prioritetia e Roomane jekhinake ćhivela ko „dujto plani“. But si importantno kaj i Rmani jekhin ko agorutne berša salde si sar „mašina hangibaske“ em nae la nisavi politikano zorni ko Parlamenti nit ko Gvermenti. So šaj te kerel jekh Romano deputati te kerel revolucionerno ko Parlamenti?

Ko Govermenti i situacia si panda pokali. Ni jekh ministeri jali viceministeri Rom. Agjaar formalno salde čhivdo bizo politikano zor  isi Nacinaln koordinatori ko kabineti taro Kovačevski.

O Goveremnti trubul majseriozno te astarel pe te kerel buti ki implementacia e Strategiake te na ovel len kali fleka ko pregvoria e EU.

I strategia e Romengiri akceptirimi si panda angleder duj berša ama o NAP panda udžaren „amin“ em nane panda akcetirime. Pučaja men kana ka aven ko Parlamenti te šaj akceptirinen pe o Budćeti baš 2024 berš  em kobor ka planirinel pe  love baši odoja realizacia . O septemvri nakhela. Em doleske kaj ko 2024 berš hulavdo Budžeti baši NAP palem ka ovel utkimi buti.

Avg kotor...thavdela majodoriga

E germaniakiri ministerka andrune bukjake I Nensi Feser ki pres – konferencia vakergja kaj akava kanoni ka kerel majlokheste o procesi ki naturalizacia thaj ka kerel duj thaj pobuter drom themutnipa e imigrantoske.

Prekal akava kanoni o imigrantia si len niami ko germanisko themutnipa palo pandž berša dživdipa an I them ko than džiakanutne ofto berša.

E stranconge so sikavgje bare akademsko jail profesionalno sukcesia thaj but šukar keren o lafi, akava periodi ka tikjnarel pe ko trin berša.

O kanoni ka kerel o imigrantia te ovel len duplo jsali pobuterdromengoro themutnipa so ko  moment inane asavk šajdipa pobuter olendar.

O čhave taro stransko jeria so si biame ki Germania ka šaj te resen germansko themutnipa dži kote barem jekh taro jeria legalno dživdinela an I them majhari pandž berša. Akala čhave ka šaj te ikeren o themutnipa da taro olengere jeria.

O kancelari Olaf Šolc vakerel kaj I implementacia e procesoske tari naturalizacia , , em te šaj te resen pobuterdromengoro themutnipa bašo imigrantia so ka lačharen I integracia , sociijalizacia thaj politikano aktiviteto.

Akava kanoni trubul te ovel hangimo em validirime taro Bundestago pali e nilaeskiri pauza.