Nane ni jekh faktori soske bi ačhoven. O dživdipa mange akate si saste zijankerdo , kerav po 13 saatia buti sako dive thaj but phareste egzistirinava" akava si jekh taro dende antvortia an i kerdi anketa taro "Fakulteti.mk" implementirimi 1.474 anketirime.
Olendar 83,7 procentoa taro anketirime bi džana peske tari them kana bi ovel olen šansa , a ko pučiba soske bi džana, majbut antvorti sine "Bašo majlačho dživdipa".
Ko pučiba "Kana bi ovel tumen šansa, ka džan li tumenge tari Makedonia?" antvorto dengje 1.491 anketirime. Olendar 1.234 (83,7%) dengje džovapi "oja", 123 (8,3%) si an o duj gogja, a 117 anketirime (7,9%) bi ačhoven an i Makedonia.
Sar destinacie kote bi džana akcentirime si i Germania, Australia, Kanada, Francia, Holandia, Danska, Austria, Skandinavia, Švajcaria, Slovenia, Nevo Zeland, Švedska, USA, Britania... Sine dende antvortia an i forma: " So majdur akatar", " An i them kote respektirinen pe o kanonia, kote isi normalno sastipaskoro sistemo thaj edukacia".
