I Khangiri an i Britania si te motivirinel e khangirakere jekhina te len than an o pandž divesengere devlikane mise ko vakti kana i Britania avel sa majpaše o momenti agorutno roko te ikljol pe tari EU.
Akava si legarde e majčorole manušenge so si an o majbaro risiko taro ekonomikano nasiguriteto so anel o Bregzit, vakergja an o savato i arhiepiskorp taro Kenterberi, a o mise amjpakjavutne ka fokusirinen pe te šaj arakhen pe okova so trubul e majčorolenge.
O Justin Welbby del rpopozalo e generealno sinodeske taro khangira an i Britania: " Našti te ignoririna o havljarina taro hor bilačhe konsekvence ko šajdutne avutne masekoa so ka ovel e majčorolen ko amaro sasoitnipa.
"Trubul te ova hazri bašo sako pharipa thaj problemo thaj ma te mukha desave destruktivno takatia te keren majodorigutne hulaviba an o amaro sasoitnipa.
"Čače našti saste del pe fakti kana si ko pučiba i ekonomia. Odova nane dar taro proekto, thaj akcentirime si kana o pharipa e problemencar trubul te perel ko dumo e majbarvalenge, a na e majčorolenge, thaj ola te len o phariba e rizikoske. Ko akava momenti odova nane i forma sar so akana džaja."
Te na irangja pe i sama ko "dukh thaj izolacia" ko desave kotora taro sasoitnipa so anel le o Bregzit, ka avel panda majbaro hulavipa thaj nahavljariba , vakergja o Welbby an i debata baši situacia an i nacia.
