O lokalno Konsilo ko lačhariba e situaciake e Romenge an o Smederevo dengja Konkurso te den pe 25 stipendie sar 40 eura ko masek e Romane siklenge ko sikljojbaskoro 2017/2018 berš..

Te šaj lel pe stipendia aso andi i decizia e Lokalno akcisko planeske šaj te keren o Roma so sikljon maškarutni škola so si themutne e R.Srbiake, avgo drom džan ko odova sikljojbaskoro klasi, ko škole so si an i them finansirime tari them.

O sikle trubul te oven len majhari sikljojbaskoro sukceso2.5 ko anglutno sikljojbaskoro berš thaj o jeria te dživdinen an i notirimi adresa an o Smederevo.

I aplikacia akle Konkurseskle ka ovel 10 divesa havljardi an o protalo e dizjakere ofiseske thaj ko oglasno table.

Paše 200 studentia Roma an o Niš dživdinen jekh a jekh sar sako o terne studentia an i Srbia. Majbut si bibajtale sar so vaklerema so ka keren buti kana ka agorkeren o studiriba, thaj te ovel majbut an o fakultetia hramosarde Roma trubul te iranel pe i bilačhi ekonomikani ilustracia e Romenge.

O Robert Kasumović si 4-to berš an o studie ko Medicinakoro fakulteto an o Niš thaj sar prioriteti si so ka kerel buti kana ka agorkerel. O NGO sektoro e romane populaciake dela baro suporto numa o Kasumović vajerel kaj i them trubul te iranel majlačheste piri percepcia mujal o Roma.

I them nane te kerel khani te na sine akala europakere donacie so trubul ola te implementirinen olen. O pučiba bukjaja e siklenge thaj studentnege si konkluzno thaj pakava kaj ak resa sukcesi sar kontrakto ko periodo so avela. Majbaor problemi ko momenti i buti e Romane kadareske akcentirinela o Kasumović.