An o pervazia an i implementacia e dujberšengere proektoske anavkerdo sar :" Tamikeriba e majzorale civilno sasoitnipaske thaj motivacia ko zorikeriba an i progresia e edukaciakere inkluziake e Romenge", o Romano Resursno Centro taro Skopje, thaj o Centro sevdžake e familienge thaj čhavenge tari Atina organiziringje finalno konferencia kote thaj lel sa o partenria an o akava proekto so istemalkergje tikne grantoa thaj avera.

Odova ikergja pe an o 18 decembro an o Skopje ko hoteli " Meriot" Sar lafikeriba thaj tikni presentacia maška aver sine thaj themakere institucionalno membroa sar i Vice ministeri edukaciake o Petar Tanasov, o Direktori taro URUOJPZ o Milutin Stančić, represento taro KMOP R, Grcia o David Rama thaj avera.

I Balkansko romani čhib jali balkansko romano dialekto si froma so asatrel o romane dialektoas so kerne lafian o Balkansko jekvaš djaziri.

I Balkansko romani čhib si jekh taro efta romane čhibja so keren vorba buteder taro milioni Roma majbut taro Balkani, thaj an o aver europakere thema thaj desave thema tari Asia.

O Balkansko Roma si pendžarde thaj telal aver anava thaj lokalno notacie kaskere grupe keren diferentno dialektoa ko thaj hulavde si aso i religia. O Roma Muslimania (sar Roma so avile tari Turkia),thaj o Roma hristiania (Gadzikane - Dasikane Roma)

Majbaro kotor taro Balkansko Roma dživdinen an i teritoria e Bugariake (371.000; 2001 statistika) thaj an i Srbia(120.000), so keren vorba aso dialekto arlisko džambasko thaj kalderaško Akaja grupa si anavkerdi aso generalno anav - Kalderašia, (Roma limaria so avela taro romansko - căldărar).