Ko pervazia taro aktivitetoa e Romane biznis informativno centro an i Makedonia ,  thaj sukcesiali realizacia e proektoske – Praktika e neve Pedagoško asistetenge, olakoro presidento o Zoran Dimov, sine le dikhiba e Ambasadorea tari R.Slovakia an o Skopje  HE Henrik Markuš.

I resarin akale dikhibaske s ikergja pe ko ofiso e ambasadoreske sine te sikavel šukrikerin dži ko Ambasadori Markuš , vash o dendo finansisko suporto taro Slovakiakoro gvermento ki realizacia e proektoske „Pedagoško asistentia“ ko suporto e čhavenge ki fundavutni edukaciua kote sar implementatori thaj provajderi e praktikake si o RBICM.

Tari akaja praktika iklile neve 10 neve Pedagoško asistentia, sar kadar so resen sertifikatia te keren buti čhavencar ko fundavutne škole so sine len phraipa ko sikljoviba e školsko materialea.

Ko vakti taro akava mitingo o Zoran Dimov sikavgja piri šukrikerin dži ko slovakiakoro ambasadori Markuš ko dendo finansiko suporto ki realizacia thaj implementacia akale proektoske.

Odoleske o Dimov dengja le jekh Plaketa e ambasadoreske Markuš. Ko jekh o ambasadori Markuš sikavgja čalippa so dengja suporto ki realizacia e rpoektoske em akcentiringja kaj k akava proekto dikhle importantno momenti soske kerel pe lafi baši jekh taro majmarginalizirime jekhina sar ki lumia agjaar em ki Makedonia a odova si i Romani jekhin.

Ov akcentiriungja kaj thaj k avutnipa e Slovakiakiri ambvasada si hazri te del suporto , ko asavke proektoa so si paše konektirime e romane jekhinaja.

E sikljobaskoro 2023/2024 bersh ka startujnel ko 1 Septembro , thaj ka vel sa dji ko 17 juni, vakrgja o ministeri bashi edukacia , Jeton Shakiri ki avdisutni pres konferencia.

As o andi decizia ki govermenteskiri beshin , sa o sikel taro fundavutne thaj mashkarutne shkole avgo drom ka ovel len thaj paljevendaskiri feria s ka ovel taro 29 apprili dji ko 5 maj, praktika kote o ministeri vakerela kaj implementririnela pe ko pobuter eurpakere thema  thaj prekal o profesoria edukaciakere ofisia ka anel majlache rezultatia.

So legarela pe dji ko sikljojbaskere lila , majbaro kotor taro o lila ko fundavno shkole si relevantnoi, thaj  o neve sikljojbaskere lila basho trinto klasi, em ola si dende dji ko shkole. Achola jekh kotor  majbut neve sikljojbaskere lila basho shovto klasi so ka oven dende odma pal lengoro oficijaliziribe tari I Komisia lilenge, a ko mashkar vakti o sikle ka keren ko alternativno materijalia so si ki web rig taro Ofisi bashi edukacia.