I asociacia bašo hakoa e Romenge - Štip an o partner relacia e Iniciativake baši socialno trampa INSOK - Skopje thaj Humanitarno asociacia e Romenge MESEČINA - Gostivar , an o pervazia e proekteske " Netvorko e Romane civilno organizacienge - antvorto tari Romani jekhin" finansirime tari Europakiri Unia havljarel akharin tikne grantonge.

Ko akala linkia šaj arakhen sa o informacie thaj obligacie.

O khedipa baši perspektivno integracia thaj buvljaripa "Roma Perspektiv" taro Prilep an o butikeripa e FŠ " Dobre Jovanoski" Prilep realiziringja o proekti " Tutorsko teloikeripa e Romane siklenge" so o proekti ka ovel implementirime ko duj avutne berša.

Pobaro kotor taro čhave kaske ka trubul dopherdi edukacia si konektirime an o akava proekti thaj ka keren buti tutorencar te šaj lokheste te sikljoven o materiali.