Delegacia taro IRU legardi taro IRU Presidento o Zoran Dimov, taro erati si ko bukajrno mitingo membrencar taro buteder kancelarie so keren buti an i EU thaj EK an o Brisel thaj si an o aktiviteti e Romane problememcar.

Ko thavdipa taro trin divesengoro mitingo o Zoran Dimov thaj o delegacia taro IRU kote si o Šefi e sa Komisenge an o IRU i Rosita Gronfors, o šefi e nkomisiake baši edukacia thaj čhib Ajten Berafla, o Presidento an o IRU Parlamento Stevo Radul Balog, o Šefi e Komisiake an o IRU bašo finasie, Khuram Khan , thaj IRU delegatia taro Brisel thaj logistika o Imer Kajtazi thaj o Safet Ajvazi.

An i Austria ko 4 dekemvro ka ikeren pe e presidenteskere alusariba kote maškar o aver kandidatia vash odoja funkcia si thaj o rajo Norbert Hofer tari Freedom Party of Austria (FPÖ).

Saste si pendžarde kaj o kampanje si akana aktuelno thaj o elketorati si hazri sako drom  te del suporto desave kandidateske. Ko odola aktivitetia o rajo Stevo Balog radul, so lungo berša dživdinel thaj kerel buti an i Austria, Linz, kote ko jekh si thaj Presidento an o IRU Parlamento ko nakhlo periodo sine le aktivitetia thaj dikhiva e Romane thaj Sinti jekhinake an i Austria, maškar so thaj o manuša taro odola jekhina so šelberšipaja dživdinena odothe generacianecar napalal dživdienea thaj kerena buti an i Austria. Palo dende opservacie thaj i gnd tari Romani thaj Sinti jekhin andi si konkluzua kote majšukar iocia si o kandidati tari   Freedom Party of Austria (FPÖ)  Norbert Hofer.

Ko aktivitetia thaj faisali e konfliktenge thaj nahaljovipa an i Romani jekhin thaj taboria aso o informacie taro Šefo e Tradicionalno romane Krisoske an o IRU o Gregor Julson akcentiringja kaj ko avgust 2016 berš sine konflikti maškar akala duj Roma taro hungariakoro darhi , jekh sine o Džimi Stojka taro IAT thaj Rezi Sund tari Švedska. O konflikto sine taro plesutno karakteri thaj odova sio o Stojka manglja te legarel akmto mujal o rezi an i Ungaria ko agjaar anavkerde krisaria tari Ungaria.

Aso o informacie taro jekh taro "dada" e Internacionalno Romane Uniake - IRU , thaj aktuelno membro a ko jekh Šefo an i IRU Komisia vash Demokrtasko Tranzicia, o Gratan Puxon pali sikavdi čiopta taro mudaripa duj e Romen - rom thaj romni an i diz Pazardžik, Bugaria tari rog sar so i policia notirinela "pishičko labilno persona" etničko bugari, dži akana sebepi i rasno natolerancia mujal o Roma an i Bugaria ko nakhle berša an i Bugaria si mudarde upreder 30 Roma.