Delegacia taro IRU legardi taro IRU Presidento o Zoran Dimov, taro erati si ko bukajrno mitingo membrencar taro buteder kancelarie so keren buti an i EU thaj EK an o Brisel thaj si an o aktiviteti e Romane problememcar.

Ko thavdipa taro trin divesengoro mitingo o Zoran Dimov thaj o delegacia taro IRU kote si o Šefi e sa Komisenge an o IRU i Rosita Gronfors, o šefi e nkomisiake baši edukacia thaj čhib Ajten Berafla, o Presidento an o IRU Parlamento Stevo Radul Balog, o Šefi e Komisiake an o IRU bašo finasie, Khuram Khan , thaj IRU delegatia taro Brisel thaj logistika o Imer Kajtazi thaj o Safet Ajvazi.

Ko aktivitetiua ka ovel dikhibva importantno e IRU strategiake thaj programake.

Majnaglal sine len mitingo e membrencar taro ERIO, kote dikhle pe o konekcia bašo barabutne aktivitetias maškar o IRU thaj o ERIO.

Ko dujto kotor taro mitingia isi dikhiba e eurodeputatea taro Britania o Džejms Karver . Ko odova dikhiba ka del pe alcenti bašo aktiviteti e IRU-ske so si konektirime ko anava e Romencar.

Ko thavdipa e diveseske ka dikhel pe importantno mitingo e kabinteea thaj ofisi tari EK alcentea taro i situacia e Romencar taro Paščimalo Balkani. O dikhiba si notirime e membroncar tari kancelaria taro Junkre, sar so si o Dženoveve Ruis Calavera direktoria an o Ofiso e Paščimale Balkaneske an o Brisel.

Ko thavdipa taro aktivitetia ka ovel aver da mitingia thaj kontaktia so ka oven taro lačharipa e majodorigutne konekciake thaj buti an o barabutne proektia.

fShare

Tweet