Palo agor e X-to IRU Kongresoske ko mart 2016 berš, kote sar prezidento an o IRU tari rig e 70 delegatorenge taro 35 thema sine votime o Zoran Dimov tari R.Makedonia, o IRU džala majodorig pire aktivitetea. I andi deklaracia baši "Demokratikani Tranzicia" , thaj elektronsko votiba e Romenge tari sasti lumia bašo avutno IRU mandati so planirinel pe te ovel dži ko 2020 berš ko XI IRU KongresoO prezidento taro IRU Parlamento Stevo Balog, anglutne konsultaciaja thaj koordinacia e delegatorencar thaj membrora taro IRU angja decizia o avutno parlamentarno mitingo te ovel an o Skopje, R.Makedonia taro 11 dži ko 13 juli akava berš.

O Zoran Dimov sar Prezidento an o IRU persi berš lelja savala te del suporto e phure Romenge thaj olengere majpašenge ko konekcia te resen love tari rig e Germansko penzisko fondestar sra jekh forma penzia sar maribaskiri reparacia anavkerdi prekal o proekti "Buti ko geto". Ov kergja animacia thaj organiziringja e romane populacia te den dokumentia taro phure Roma so si biame taro 1945 berš thaj phureder.

Ki odoja kampanja bukvalno sone mukhlo korkori te prastal barabutne e organizaciaja taro RDICM te arhivirinel thaj te bičhavel o dokumentia taro phure Roma. Palo odoja procedura ov buičhavgja len dži ko germaniakoro Penzisko Fondi an o Berlin te dikhen pe thaj te anen decizia.

I jazia e saste Romane populaciakeakana humlavdi si an o thav: odova si o realiteti thaj o riziko so arakha amen avdive . Akaja kriza si la duj aspektia. O progreso ko Anti ciganizmo. thaj so na kamen te ova oficializirime taro "avrutne" thaj katastrofalno opservacia taro "andrunipa" nanipa barabutni resarin thaj nanipa korkoro - promocia. O jekhto si Gadžo mujal o Rom thaj irami koorelacia ko jekh mileniumi. O namangipa maškar emende thaj olende thaj ni jekh na kamel te ačhon. O phanlipa o kombo panda našti stratujnela., individualno jali an o nivelo e jekhinake, angleder te resa civilnikane hakoa thaj athinalipa. Ko statusi: Sar ka reflektirinel pe upral o Roma o politikano jekhipa, proporcionalno ko numeriatari globalno Diaspora, o IRU kerel zotri buvlo romano aktiviteto te šaj kerel pe majodirigutni reforma: Demokratikani tranzicia.

Taro 06 juni 2016 berš i Internacionalno Romani Unia - IRU, reslja i konfirmacia tari rig taro ERTF  (European Roma and Travellers Forum), a dodolea ko jekh o IRU ulo kotor taro Europakoro Konsili an o Strazbur.

Palo agorutno 10-to Kongresi taro IRU an o Skopje ko masek mart 2016 thaj palo alusar o nevo IRU Presidiumi thaj i alusar taro Zoran Dimov sar olakoro Presidento , defintiivno sikavela kaj o IRU iranel pe ko purane pozicie thaj zojrakeripa e IRU-ske sar seriozno organizacia. Ko periodo so nakhlja o aktivitetia taro prezidento taro IRU o Zoran Dimov, o membria an o Kabineto thaj o delegatia taro IRU dengje o avgo pozitivno rezultatia , palo lungo periodo tari stagnacia thaj pasiviteti taro anglutno IRU legaripa ko agorutne 10 thaj pobut berša. Ko odova periodo o anglutne lideria taro IRU prekal plo pasivno butikeripa našavena sine sa o pozicie thaj kredibiliteto taro IRU so keren le sine taro starto. Ko agorutno 10-to IRU Kongrso o nevo legaripa ko čekat e Zoran Dimovea kerdo si plano thaj strategia te iranel pe o renome, kredibiliteto thaj o pozicie taro IRU.