Taro 06 juni 2016 berš i Internacionalno Romani Unia - IRU, reslja i konfirmacia tari rig taro ERTF  (European Roma and Travellers Forum), a dodolea ko jekh o IRU ulo kotor taro Europakoro Konsili an o Strazbur.

Palo agorutno 10-to Kongresi taro IRU an o Skopje ko masek mart 2016 thaj palo alusar o nevo IRU Presidiumi thaj i alusar taro Zoran Dimov sar olakoro Presidento , defintiivno sikavela kaj o IRU iranel pe ko purane pozicie thaj zojrakeripa e IRU-ske sar seriozno organizacia. Ko periodo so nakhlja o aktivitetia taro prezidento taro IRU o Zoran Dimov, o membria an o Kabineto thaj o delegatia taro IRU dengje o avgo pozitivno rezultatia , palo lungo periodo tari stagnacia thaj pasiviteti taro anglutno IRU legaripa ko agorutne 10 thaj pobut berša. Ko odova periodo o anglutne lideria taro IRU prekal plo pasivno butikeripa našavena sine sa o pozicie thaj kredibiliteto taro IRU so keren le sine taro starto. Ko agorutno 10-to IRU Kongrso o nevo legaripa ko čekat e Zoran Dimovea kerdo si plano thaj strategia te iranel pe o renome, kredibiliteto thaj o pozicie taro IRU.

Ko starto si dendi platforma baši realizacia e proekteske "Demokrtasko Tranzicia" kote ko avutno IRU Kongreso an o 2020 berš kana ka del pe i vota bašo IRU delegatora thaj membrora bašo funkcie prekal majdemokratsko forma thaj elektronsko vota. Ki odoja forma o avutne delegatora An o IRU ka ovel len majbaro thaj majbuvleste mandato.

Sar šerutno an i Komisia sine alusardo o rajo Grattan Puxon , pendžardo romano aktivisto thaj o Jekhto Generalno sekretaro an o Romano Lumiakoro Kongreso an o London ko 1971 berš.

Palo odova am o mart 2016 berš dži akana o IRU legaripa startujngja pire politikane ofanzivaja baši konsolidacia thaj revitalizacia e IRU-ske. Intenzivno mitingora uče funkcionerencar thaj institucie tari Europa (EU,EP,EK, Brisel, Strazbur, Berlin, Bon, Keln, Stokhol,. Geteborg, Oslo, Viena, Sofia, Beograd, Maribor, Budimpešta thaj aver), pohari dela sine rezultatia kote o IRU iranela pire pozicie thaj kredibiliteto.

Jekh taro agorutne pozitivno efketia si lejba i pozicia an o ERTF so si kotor taro Europakoro Konsilo an o Strazbur.

O čačutne mangina taro IRU thaj o kabineto ko čekat e Zoran Dimovea si te prependžaren pe sar čačutne reprezentia e Romenge tari sasti lumia.

Ko jekh palo lungovaktiskiri čhingar maškar nekobor frakcie taro IRU , akava legaripa taro IRU bičhavel mesažo savore lačhe manušenge kaj o udar taro IRU si putardo savorenge, soske o IRU si jekh thaj savore siem IRU

Oficijalno dokumenti

fShare

Tweet