O Tajson Fjuri iranel ko socialno netvorko sebepi oleskoro intervju ko akala divesa. Ov šaj te ovel akahardo thaj an i policia te vakerel soske buvljarel namangipa kana mujal oleste dendo si krisekoro akti an o Mančester.

O Tajson Fjuri (27) pervagja taro piedestali e Vladimri Kličko, thaj akana si nevo profi šampioni ki phari kategoria ko boksi. O ukrainco nadžanel sine kaj arakhel pe sine taro boksia so halja taro amaro nevo romano thagar an o boksi.