O Tajson Fjuri - "O Romano thagar" thavdel te provocirinel e neve šampione tari Internacionalno boksersko federacia an i phari kategoria, Entoni Džošua. O duj da džene na čhinavgje te den zorale replike taro starti e beršeske.

"Me sium o šampioni. Numero jekh sium an i akaja kategoria. Leljum sa o šampionsko phustika an o ringo. Margje man li ko ringo baši titula e Internacionalno boksersko federaciatar?. me panda sium šampioni an i akaja organizacia, bizi diferenca so hramosarel an o lil" vakergja o Fjuri bašo "Sky sports".

O lungo udžardo revanš meči bašo lumiakoro šampioni ki phari kategoria maškar o Tajson Fjuri thaj o ukrainco Vladimir Kličko so notirime bašo 9 juli an o Mančester, akcentiringja o kako taro britansko bokseri thaj rom. O Piter Fjuri ko plo twiteri hramosargja kaj o meči so notirime thaj dopherdo ka oven vakerde havljarde thaj oficialno informacia. O Tajson Fjuri persi noemvri ko Dizeldorf margja e Vladimir Kličko jekhhangutne deciziaja taro arbitria lelja i šampionsko titula ko verzie WBA, WBO thaj IBF.