I Sportsko Unia e Srbiakoro kergja visita e delegaciake tari iniciativa e Romenge bašo buvlajripa " RIZOR" legardi taro Milorad Popović.

Ki diskusia e presidentoa taro Sportikani Unia e Srbijake Davor Štefanek thaj o generalno sekretaro Goran Marinković, o Popović presentiringja o aktivitetoa taro "RIZOR" thaj kote lele than so inicirngja akcia ko sportsko umalja e terne Romenge tari Srbia.

Majbut odova legarela pe ko Romano nacionalno timo an i atletika, terne fudbaleria, thaj o seniorsko fudbaleskoro timo so notiringja sukceso an i Štarto romani olimpiada so sine an i Slovenia.
Trujal lačhe resultatia ki akaja olimpiada isi len thaj lačhe momentia thaj amalipa an i sportikani atmosfera.

O Tajson Fjuri vakerela kaj " si hazri te akahren le" te šaj del suporto e manušenge so si len problemia e mentalno sastipaja thaj o stavia taro Deonte Vajlder akale pučibaske si "naeducirime"

E Fjuri si le meči mujal o amerikanco Vilder an o 1 decembro titulake ki phari kategoria aso WBC verzia.

"Trujal o boksi me gindinav kaj akava si miri okupacia te šaj dav suporto aver manušenge so si len asavke problemia" vakergja o Fjuri bašo BBC Sport.
"Mangipaja te nakhave akava problemi te sikave kaj na sian kišli persona , na sian mazumi thaj bibahtalo thaj nasukcesialo.