Ko avdisutno vakti i Romani muzika uli pobut taro jekh bašavipa an i kemana. Ko 90-to berša o terne Roma so si majbut an i Europa kergje nakonformitiračko identiteti so legarel taro amerikakoro Hip Hop thaj rap kultura.
Si but identično momentia maškar o Roma thaj o Afro amerikancia, sar so si i diskriminacia e Romenge sar so si i diskriminacia e kale amerikancongiri. O interes e Rapeske bajrol rapidno maškar o terne Roma thaj an i Makedonia, akcentea an i Šutka.
Pobut taro 15 berša o rap thaj o hip hop intenzivno šunela pe an i Šutka, soske jekhutne odothe si majbut Roma an i Europa, kote i Šutka si salde nekobor kilometria dur taro centari e Skopjeske, numa milja berša dur tari odoja aver civilizacia an i kulturakiri samisla.
O Rap akate resel populariteti an i terni grupacie Romengiri, thaj identifikacia "Romano Rap". O gilja thaj o sempleria huljaven pe prekal internet kote si but bilovengere rap jali hip hop sempleria. O video mnaterialia lokheste arakhen pe ko You Tube, Bunti provokacia si kotor taro olengiri holi sar kreacia hip hop numerake,
Akanaske sar majpendžardi romani Hip Hop grupa so si la internacionalno nišani si i Šutka Roma Rap so si fuzia taro Romano Hip hop thaj tradicionalno romane gilja. Ola than lele dži akana ko pendžardofestivali Vomeks an i Grcia ko Oktomvri 2012 berš. Ko alusarde 300 aplikantia alusargje len maškar 9 grupe taro Balkani , thaj i idea chidel taro i kompilacia " I Šutka mo than" - Šutka anav so buteder droma istemalkerel pe. O FIOM del saikeriba bašo edicia akale proekteske ko 2010 berš sar ambiciozno plani e romane skopsko grupake. O albumi akale grupakoro ko noemvri 2010 berš reslja ko 15-to than an i bari Europakiri muzikakiri lista. Ola than lele ko aver da pendđarde festivalia sar so si o Ziged an i Ungaria, o Roskad festivali an i Danska thaj an o makedonsko festivali Taksirat, so sine interesno sipiti anglal na Romani publika. Ko momenti nane hazrkerdo nevo , numa adžikerel pe šukar momenti. I Šutka Roma Rap si o Al Alion, Fet Jo, Error, Key One, Nusret, Sabri, Taki thaj aver muzičaria.
