Šukrikerinaja taro baro muzikakoro talento thaj instrumentalno džanlipa, o Boban Marković sine vazdime an o piedestalo e trubaja an i sasti lumia thaj ulo lumiakoro anav.
O majšukar lumiakoro muzikakoro magazini an i anglikani čhib , Songlines, o Boban Marković gejnenea an o 50 majšukar insrumentalistia an i lumia , sar jekhutno trubači an i lista. Olengoro „Gipsy Manifesto“ prekal o alusar taro amerikansko sajti Worldmusiccentral.org si havljardo sar majšukar alkbumi an o 2013 berš. Ko akava albumo si čhivde buteder elementia , neve isntrumentia, aver ritmithaj senzibiliteto. Trubl te akcentirinel pe kote an o votiva than lelja i sasto publikumi an i lumia, a i konkurencia sine but zorali.
O Boban Markovič i truba nane salde instrumento, nuam thaj džuvdupa. tari truba egzistirinela, olaja si amala, resel neve amala thaj rdoela baripa. Bašavel soske mangela thaj i muzika si leske an o ilo. I truba si oleskiri jazia. Ov si perfektno muzičari , virtuozo e trubake, sebepi o talento ritameske thaj muzikake, e trubaja si sako momenti, thaj kerel oleskoro bašavipa so angledr sine prezentirime an o bijava akan si pendžardi an i sasti lumia.
Trujal o Boban thaj Marko Markovič an o orkestari si panda:
Saša Jemčić, Goran Spasic, Danijel Mirkovic, Dragan Krstić, Misha Koljenović, Aleksandar Stosic, Živorad Dimitrievski, Dragan Jovanović, Stefan Petrovic thaj Deni Jovic
http://www.dssound.com/toronto/marko-i-boban-markovic-orkestar-najbolji-trubaci-na-svetu/
