Jekh taro majpendžarde balkansko bendia "Mostar sevdah reunion" sine len koncerti an i bari hala ko Kolaričevo udruženje. Sa o thana sine pherde, a i publika sine lošali tari prezentirimi muzika thaj bare aplausencar bičhavegje suporto e bendeske so an o Beograd alo palo saste 12 berša.
I Grupa an o piro repertoari sine le sevdalinke thaj romane gilja an o moderno aranžmani taro ofto albumia so akale koncerteske sine editorime ko 90-to berša kana formiringja len o producento thaj menadžeri Dragi Šestić. Jekhutni numera so na kergje la an o repertoari, a e publikake si majmangli odoja si "Emina", kote o "Mostar sevdah reunion" so kerelala e Ljiljana Batler, numa thaj bizi odoja da gili i publika dela sine bare aplauzia.
O Koncerti an o Kolaričevo uduruženje asine čačutno lačho momenti bašo sa okola so mangen akaja grupa so but raritetno bašavela an o regioni soske jekvaš džene taro akava bendi dživdinena thaj butikerena an i Holandia.
Ko agorutne deš thaj pandž berša sine len butikeriba thaj angažmano baro numero muzičarencar taro akala thana sar so si Šaban Bajramović, Esma Redžepova thaj Amir Medunjanin.
Link: http://www.politika.rs/scc/clanak
