I reakcia taro kotor taro romano NGO sar so si i Avaja thaj avera GO taro Netvorko e sistemsko thaj savakteskere faisalia informirinena kaj ko Veles ko vakti tari implemetacia e statistikane operaciake Hramovipa konkretno manuš so popišinela na kergja piri buti lačhe aso o niamia em propozaloa ko kotor pheriba o informacie so legarela pe dži ki RELIGIA, ČHIB THAJ ETNIKANO PREPERIBA . O manup so sine hramojmo taro akava popišuvači vakerel kaj našti sine te deklaririnel pe sar so ov mangela sar ROM.

I persona so sine popišimi vakerela kaj manglja te ovel identifikujmo em registririme sar Rom ki listo numa o konkretno popišuvači vakergja kaj našti arakhe o kotor kote si otirime i religia, čhib thaj etnikumi ko hramovipaskiri lista.Odolea i anketa agorkergja a o manuš na sine registririme sar Rom! Ko akava akti si notirime kaj nane sate em čačutne registririme i persona em garavgja informacie ko listo so si doškerin em phagiba e kanoneske em akana akahrel pe ko rodaripa te dikhel pe odoja aplikacia em te kerel pe kontrola ko konkretno akti.

Odoleske rodela pe te kerel pe akava:

1. O konkretno manuš so kergja o popis te chidel pe tari odoja funkcia;
2. O konkretno popišuvači te ovel globime aso kanoni em membro 49 taro Kanoni bašo Hramovipa (2021) so vakerel kaj asavke aktia globinena pe majhari 3 berš phanlipa;
3. O čhivde informacie ko elektrosno informatori taro akava popišuvači te ovel klasificirime sar navalidno em o hramosarde persone palem te oven registririme

Ko jekh taro kotor taro romane aktivistia resen informacie kaj desave individuelno grupe tari khorani jekhin keren direktno agitacia ko teren thaj barabutne e personencar so kerena o popis ikljovena ko teren em vizitkeren familien ko procesu taro hramovipa so si kontra tari i Metodologia taro hramovipa em o kanoni e hramovipaske. Odoleske akharel pe e Themakoro ofisi baši statistika te kontrolirinen i rolja taro o manuša so kerena hramovipa ki Strumica em te kerel monitoringo em te len konsekvence te aj ovel integriteti akale operaciake . HRAMOVIPA.

Ko jekh bihavel pe phravdo apel dži sa individualno grupem aktivistia,m politikane partie ani Strumicam Veles thaj Radovič em ko avera komune ma te keren presue uparl i romani jekhin.

fShare

Tweet