Ko masek mart akava berš kana peli i avgo klapa taro snimiba e majneve dokumentarno filmeske tari SP BTR Produkcia thaj Stzudio7 , an o scenario taro Zoran Dimov thaj Ramuš Muarem , a an i režia taro Isljam Ajdini an o plani realizacia e filmeske "Lokalno talentia -lumiakere talentia" sine realiziacia e filmeske dži ko agor e beršeske.

Taro tegani nakhle 10 masekoa , a i ekipa realiziringja o filmi aktivno dromaripaja , intervjua e šerutne likoncar Bajram Severdžan, Vaska Jankovska,Rahim Burhan, Muharem Serbezovski. Zorna Dimov, thaj angkutne arhive taro Faik Abdi thaj Esma Redžepova.

Ko jekh i ekipa dromargja dži ki germania., Srbia thaj aver thana te kerel intervju e paše personencar akale likonge sar so si Emir Kusturica, Goran Bregović, Stole Popov, Dančo Čevrevski, Diljaver Muaremov - Dišo thaj aver.

Nevi kulturakiri dalga: An o Skopje sine promovirime romani kultura thaj arti

Ko Kulturakoro Informativno Centro -KIC , Salon 19:19 taro 19 o časp sine organizirime aakti kote than lele Teatar ROMA, - Skopje, Čerkezi banda Al Alion thaj i Pašia Fejzula.

Akale barabutne performanse an i organizacia taro NGO Iniciativa e buvljaripaske thaj Inkluzia e Jekhinake -IRIZ revitaliziringja thaj rehabilitiringja i romani kultura thaj tradicia prekal o sikaviba o kotora taro romane kulturakere thaj muzikakere grupe so individualno thaj korkore finasirime funkcionirinen an o nivelo e komunake Šuto Orizari jali an o nacionalno nivelo.