Avdive kana notirinel pe o internacionalno dive e čhibjenge, o informacie so sikavela o UNESKO an i konekcia taro riziko taro našavipa desave lumiakere čhibjenge kote an i odoja lista sar riziko čhib arakhel pe definitivno thaj i romani čhib.
Ko sako duj kurke našavgjovela po jekh lumiakiri čhib. Taro paše 7.000 čhibja so avdive keren pe lafi an i lumia, jekvaš olendar ka našavgjoven dži ko agor akale šelberšipaske. Taro barabutne 6.000 lumiakere čhibja , 96% si kerde lafi tari sasti 4% populacia. 90% taro čhibja nane len an o Interneto.
Akala informacie so sikavel len o UNESKO si alarmantno e našavipaske taro lumiakere čhibja.
Akceptirime si kote jekvaš tari lumiakiri populacia komunicirinen salde ko 8 čhibja thaj odova: anglikani, mandarinsko, hindu barabutne e urdu, špansko, rusko, arapsko thaj portugalsko.
Majbut sar faktori si našavgjovena o čhibja si soske asimilirinel pe ki aver čhib thaj ki dujčhibjengiri kultura jali meripa tari nesavi persona sar agorutno manuš so džanel odoja čhib. Pandž regionia an i lumia si ko majbaro riziko taro našaviba e čhibjenge thaj odola si: nord Australia, kotor tasro Latino Amerika, , utarpaščimalo kotor tari Amerika, purabalo Sibir thaj o purabalo kotor tari Amerika.
