Ko socialno netvorko sikavgje pe faktia bašo jekh  romano čhavo tari jekh beogradsko škola.

Ida Presterm vokali an i grupa " Lolobridžida" hulavgja jekh fotosi daj čhavea thaj i storia anavkergja la sar "lačhi thaj kerki".

“U Goca ake 4 berša po desavo drom užarel mo kher, oj si but pedantno thaj odokhare zamanglem la so angažiringjem la sar bebisiteri kana amen siem an i buti trujal so si but terni i Goca si daj korkro so bajrarel e eftaberšengere Aco" vakerela oj.

Aso olakere lafia " o sasto problemi" startujngja kana o čhavo chidingja an i škola.

 “Iranel pe sine tari škola saste bibahtalo, na hal sine maro, uštel sine ki rakj thaj rovela sine, thaj i daj vakerel kaj o čhave vakeren kaj si ov Rom thaj pučlja so si odova soske sasto vakti si korkoro thaj ni jekh na kamel sine te khelel olea" vakerel i Ida.

I storia džala majodorig kana i Goca geli ki škola te kerel lafi e šerutnencar tari škola numa tegani uli "filmsko scena"

 “I direktorka vakergja kaj oj na mangel te aven ki olakiri škola romane čhave soske o jeria taro aver čhave so ko majbaro kotor dena finansie e školake nane but bahtale so ki škola isi Romane čhave. Aver lafebncar oj hramosargja e čhave an i škola soske si agjaar o kanoni. 

I Goca na pomukhlja , leleja e Aco thaj hramosargja le ki aver majdur škola ko aver kotor e dizjake. Si le 45 minutia dži ki škola, numa džala sako dive. Akana kana agorkergja e sikljojbaskoro berš sa o ocenke si leske 5 salde matematika isi le 4. Bravo Goca, bravo Aco" hramosargja i Prester.

Link: http://www.b92.net/info/vesti/index.php?yyyy=2017&mm=06&dd=15&nav_category=12&nav_id=1272480

fShare

Tweet