Sar kotor taro notirime planoa thaj aktivitetoa o duj uče representatoa taro IRU , o presidenti Zoran Dimov thaj o vicepresidento Anatoly Butakov an o 15 fevruari anglal notirimi akharin tari o Ofiso e Gen.direktoreske an o UN - Ženeva thaj šefo an o Ofiso an i kolaboracia e NGO sktorea Lyidia Grigoreva sine len mitingo an i Palata taro UN an i Ženeva.
Vash o vakti taro mitingo o duj IRU representoa potenciringje o momento vash kolaboracia maškar akala duj organizacie. Ko jekh o Zoran Dimov vash i Grygireva presentiringja thaj dengja i Strateško plano thaj IRU Strateško resolucia so si kerdi barabutne e Europakere Romano Trvale Forumo - ERTF .
Ko jekh sar konkluzia si kaj o UN thaj o IRU a, odothe thaj o ERTF ka vazden o pučiba ko majučo nivelo vash i kolaboracia kana si tema i Romani Nacia sar tari Europa agjaar thaj tari lumia.
O šefi Grigorieva sikavgja baro čalipa an i konekcia e lende akcienge taro Strateško plano thaj resolucia thaj o kvaliteto taro o sublimato so si an o dokumento thaj akcentiringja kaj akala strateško dokumenta ka oven direktno dende dži ko Gen.sekretaro an o UN o Gutieres.
Ko jekh o IRU membrora sine len dikhiba thaj vorba aver uče representetoncar taro UN -Ženeva sar so si thaj o šefo an i sekcia vash kolaboracia e NGO sektorea taro ofiso UNHCR i Monika Brulhart.
Akale aktea sikavel pe kaj ka ovel panda majzoraki kolaboracia maškar o IRU thaj UN thaj barabutne lende akcie.

An o akava 2019 taro 23 dži ko 26 maj ka ikerel pe alusariba bašo neve 750 eurodeputatia an o nevo Europakoro parlamento.

Pendžaribaja o kapaciteti bašo džiakanutne eurodeputatia so trubul te ikeren o interesia thaj o politike e Romenge thaj e Romane Naciake tari Europa so gejnela 12 milionia Roma , o IRU si an i gind kaj o avutne parlamentarcoa an o EP trubul te iranen i sama thaj an o problemia e Romengere.

Odoleske o IRU sar majbari thaj majpurani organizacia e Romenge bičhaven apeli dži ko sa romane politikane aktivistia thaj sa okola so keren e romane hakoenge dela motivo te konektirinen pe an i kampanja bašo olengiri alusar. O IRU saste pire kapacitetea thaj struktura ka kerel majbaro lobi e avutne eurodeputatenge.

Motivirinela sa e kandidaten so šaj majmasovno te konketirinen pe aso europakere politikane partie so si len lačhe mangina aso i Romani nacia.
O kandidatia trubul te ovel olen lobi taro pire partie kote si membria , thaj suporto tari i Romani jekhin tari them kotar so avena a si them membro an i EU.

O IRU ka del suporto sa amare Romane aktivistoa so ka oven kotor taro akala partie sar so si Europakere Demokratia, Partia e europakere socialistia thaj Unia taro Liberalia thaj demokratoa baši Europa, Unia baši Europakiri nacia, Europakere Green partie - Europakiri tromali alijansa, Europakiri Unimi levica, - Nord green levica, thaj Independientet thaj demokratia.
Akaja akharin si salde kandidatonge kaskere thema si membro an i EU thaj si len niami te kandidirinen pe bašo Europakoro parlamento.

Aso akava apelo thaj suporto em lobi konektirinen pe thaj aver romane organizacie so si membroa an o ERTF (IRU, RNC, IRFIN, Phenjalipe, IREM, Romani politikani grupa, EastWestMet) ERIO thaj o Romane intelektualcoa tari sasti lumia.

Odoleske o IRU akharel sa e kandidaton te bičhaven piro CV thaj informacie bašo olengoro dži akanutno džanlipa thaj aktiviteto an o akava plano an o akava e mail: Această adresă de email este protejată contra spambots. Trebuie să activați JavaScript pentru a o vedea.