Respektirime,

I Internacionalno Romani Unia - IRU sar jekhto majbari internacionalno Romani organizacia an i lumia so si presentirimi taro upreder 60 membrora taro 50 thema taro sa o kontinentias hor si sekirime aso o agorutne incidentoa e Ropmencar thaj i situacia an i Bugaria ko gav Vojvodinovo -Plovdiv kote peraven olengere khera.

Ko jekh panda majhor si o fakti tari antiromani retorika taro uče bugariakere politikane funkcioneria (egzamplo o Kakarakačov) kote an o piri retorika si natolerancia mujal o Roma so bajrakerel o nivelo taro antiromani hoš an i them.

Džanaja kaj trubul te respektirinen pe aso o kanonia numa trubul thaj jekh majabro humano manušikano aspekti. Ko periodi kana o vakti na mukhel odoba te keren pe akcie kote bukvalno mukhena pe ko droma ko šudro vakti čhave, džuvlja, phure thaj nasvale persone thaj sikavel i politika tari jekh them so si kotor tari europakiri familia so marel pe mujal sa o forme diskriminacia, segregacia, natolerancia thaj aver so peravel pe o fundavno manušikane hakoa.

Buteder akava dikhel pe sar forma kote jekh politikani opcia, grupa, simpatizeria keren pire angloalusaribaskere dende lafia thaj te resen politikane poenia thaj nane akava themakiri strategia.

Akaja forma tari natoleranciaperceprinela nesave aktia so iranen amen ko kali historia mujal o Roma nekobor decenie napalal ko nakhlo veko.
Isi forme te faislakeren pe o problemia so pakajala pe kaj i Bugaria si demokratsjko instrumento thaj te anel diferentno themakere startegie ko faisali e probelemnge sar so si sociala, edukacia, kherutnipa thaj bukjakiri inkluzia.

Akate si thaj o buteder NGO so keren buti an i akaja problematika te šaj arakhen pe modaliteti faisalkeribaske.

Odoleske o IRU apelirinela dži ko sa relevantno internacionalno organizacie thaj institucie sar so si i EU, Europakoro Konsilo, EP, UN, OBSE, ODIHIR, Helsinško Komiteto thaj aver te keren akcie thaj reakcie mujal akaja forma tari diskriminacia thaj natolerancia thaj te den dekreto te eliminirinel pe akava aktia.
Ko jekh o IRU si le piri plan thaj programo em andi resolucia so ka del e upreanvakerde institucienge te keren barabutni kolaboracia te arakhel pe faisali an o respektiriba fundamentalno manušikane hakoa. Ko jekh o IRU barabutne e Bugariakere themakere ofisoncar te arakhe modaliteto so ka ovel optimalno e duj rigenge.
Panda jekh droma an o anav taro IRU dži ko sa o aver internacionalno institucie thaj organizacie te keren aktia an i eliminacia akale nademokratsko akcienge.

Respektoa
Zoran Dimov
IRU Presidento

Akava berš o IRU startujngja but sukcesiale, Odova sikavela odolea so reslja taro Europakoro Parlamento an o Briselo thaj taro Unime Nacie an o Njujork. Anglutne o IRU timi kergja piri Starteško rezolucia thaj kerdo programo telal o anav "Lokalno Akti - Globalno impakt" so bičhavgja dži ko sa relevantno internacionalno institucie te šaj akharen olen an i presentacia.

Oodva sikavgja pe sar sukcesialo thaj taro Ofiso e Europakere Parlamentoske thaj o Presidento Antonio Tajani thaj o vicepresidento an o EP i Livia Jaroka, akhargje e IRU presidente o Zoran Dimov te len thaj an o mitingo taro EP so ka ovel an o 30 januari kote ko jekh ka ovel ceremoniano diskusia vash i notacia e Internacionalno diveseske taro Holokasuto.

Ko jkekh kerel pe akharin .invitacia thaj taro UN kote o IRU so si se le piro ЕЅОСОС statusi, thaj an o vakti tari notacia o 8 Aprilo Internacionalno Dive e Romengoro ka prezentirinen i Strateško rezolucia thaj o programo "Lokal akt -Global impakt"

I Starteško resolucia taro IRU ko tikne fusnote ikerel thaj akava:
" Amen sar membrora e Romenge keras aktiviteo te kera protektiva e e Romenge thaj o avutne generacie taro sa negativno momentia taro nakhlo perido ko avutnipa thaj akana an o sa o forme tari diskriminacia , natolerancia, ssegregacia , teroro, genocido thaj aver thaj hor pakajaj an o respekto o fundamentalno manušikane hakoa , jekhipa maškar o darhinalipa thaj jeripa keriba lačhi atmosfera ko respektiriba o čačipa demokratsko tromalipa thaj standardi dživdipaske eliminacia phagiba niamia sa an i kolaboracia e internacionalno instituciencar so keren odova. Me sar IRU presidento pakajava kaj našti te dikha amaro avutnipa te na irnagjam amen an i amari historia te vazda olakoro moldipa ko sa o thema kote si o Roma thaj te del pe lenge suporto an o socio-ekonomikano, kulturakoro niamalo thaj aver umalja.

Ko programo "Lokal akt -Global Impakt" si ikerina sar so si Jurisdikciakoro, socioekonomikano, edukaciakoro thaj kulturakoro statusi e Romenge an i Europa vash majbaro inkluzia.

Jurisdikciakoro targeti: Lačharipa i inkluzia ko romane individue an i jurisdikciakiri regulativa prihološko thaj sociološko suporto ki lačhariba e inkluziake n o sistemo.
Socio -ekonomikano targeti: Bajraripa op nivelo tari buti e Romenge motivacia an i inkluzia e romane kompanienge so keren buti an o sistemo;
Edukaciakoro targeto: Protektiva e romane čhibjake , tiknjariba o nivelo analfabeto e phurenge thaj motiv an i buti;
Kulturakoro targeto: Poromocia thaj protektiva e romane kulturake, tradiciake, sar forma taro ikeriba e romane identitesko stereotipa thaj diskriminacia thaj majbari inkluzia.