O sa pobuter incidentia ki etnikani funda upral o Roma ki Europa em buvleste jekh taro teme ka ovel ko Parlamenti taro IRUko Skopje so ka ovel ko 28 em 29 Juno 2019 berš ko Kontinetal ko Skopje.

Sa o majbaro nivelo terori . diskriminacia thaj retorika akcentea prema o Roma sar te ulo sakodivesa . Sa akava trubul te čhivel pe prekal desavi kontrola so ka šaj te eliminirinel pe jali tiknjarel pe i natolerancia premal i Romani jekhin.

Fakti si kaj sine but incidentia em ko kahlo periodia.
I tema dukhalaem si putardi. I Europa em javer internacionalno institusie akava pučiba trubul te vazden ko jekh majučo nivelo te arakhel pe faisali.

Odoleske trujal o IRU em aver misafiria em representoa taro internacionalno ambasade ka keren transparentno aktiviteto te faisalkeren pe akala propblemia.
O organizatori o IRU pakjala kaj ka ikljon pozitivno propozalia so ka realizirinen pe ko sig vakti sra prioriteto sa e akterenge.

E Romen mudaren ko majbaro nivelo taro rasistikane atakia ki Europa, a olakere lideria keren zori bašo unipa thaj efektivno politikani afirmacia.
Ko akava masek ka ovel aktivitetia so šaj keren presia ko dživdipa e 12 milionia Roma ki Europa so si hulavde ko sa o 40 thema. Em fizički em politički o Roma si but aktivno.

Ko agor e masekoske Juni ki Makedonia ka ikerel pe IRU Parlamenti . E upreder 40 beršengiri IRU aktiviteto akava khidipa ka del but phare pučiba. O presidento Zoran Dimov em akana sig kerdi IRU registracia ko UN . O membria taro Njujork, Ženeva thaj Viena thaj ko raporti taro UN.

Ko mitingo e "Manušikane niamenge" "Amen kera maripa mujal sako diskriminacia" o presidento Dimov džala ko but konferenc iea. Odova trubul o internacionalno institucie te dikhen le sar lačho signalo.
I educirimi elita manuša so kerel aktivitetia a o aver kotor dživdinen an o margine dživdipaske akana si panda majbari i presia, Ki Britania isi Bregsit em dar kaj 300.000 Roma ka šaj te oven deportirime Buteder olendar ka našti eliminirinen i deportacia. Ko maškar vakti an o sasto Balkani milioni manuša dživdinen ko baro čorolipa ko nalegalno romane mahale, O čhave si bizi edukacia thaj sastipaskiri protektiva.
Buteder olendar si generacie taro phureder Roma so sine viktimia ko vakti taro nacistikano genocidi. O Holokausti na našavdilo. O atakia upreder o roma taro neonacizmi anel dar taro avutno holokasuti thaj genocidi. O resultatia taro alusariba ko EP sikavel odoja tendencia. I Ungaria sikavel odova trendi so si pendžardi kaj isi len natolerancia mujal o Roma a eurodeputati si Livia Jaroka tari legarutni partia Fides thaj sine vicešpresidenti an o EP. I Francia deportiringja milja thaj milja Roma a i Italia pervgja but kampoa . O mministeri Matteo Salvini kerel retorika kote šaj iranen pe o purane logoroa kote sine ko jekh em atakoa.

Duj terne džuvlja , jekh invalidi thabile ki bari jag ko bombaško atako ko 2017 berš ko Kvaraki. Sine incidentia ki Romania, Bugaria kem aver taro Purabalo bloko so si našavde pobuter taro deš dživdipa. O migranto tari Britania o Zoltan Florin našavgja pe rome em duj e phralen kana thargje olakoro kher ko Hadareni.
Ki Bugaria isi kontra aktivitetoa mujal 800.000 Roma sar garazi ko atakia ko romane mahale. Sine kerde bare atakoa ko khera ko manuša . Sine upreder 30 mudaripa. Ko jekh baro etnikano eliminiriba sine ko Kosovo 1990 berš, kana milja Roma našavgje ple khera em but mule. Prekal o Dimov i EU na lelja baro džovaplipa. O EU e Romen tretirinel majbut sar socialno problemo namangipaja seriozno te havel kaj o IRU notirinel kaj o Roma si "Nacia bizi teritoria" definicia so si notirimi ko 5.to IRU Kongresi ki Praga ko 2000 berš Ko jekh kerde si akcie kote šaj sine te eliminirinel pe o čorolipa ko Roma. Jekh olendar sine i Romani dekada . Numa o love našavdile majbut ki administracia em ko lokalno korupcia.
O IRU mangela pobari rolja ko monitoring odole lovenge . Odola proektia trubul te dizajnirinen o korkoro Roma a na o naRoma. Majbari politikani katastrofa kergja pe pali demontacia taro ERTF soske sine la but delegatia thaj mamberoa tari EU.
Sine la konsultativno statusi an i Europakoro Konsilo.
Akana si le epizodno rolja e Forumo. O suporto si dendo ki aver Romani neviformirimi institucia . I redefiniriba taro ERTF o IRU dikhel sar kontraargumento tari EU ma te buvljol o romano nacionalizmi ki Europa.
Ko 2 avgusti ikerel pe komemoracie bašo Holokasuto thaj 75 berša olestar sar ko Berlino em ko aver majbare dizja. O šerutno aktiviteto planirinel pe te ovel ko London sar konferencija ki promocia e romane politikake. Ko 10 IRU Kongreso so sine ko 2016 berš i DT si la resarin prekal pobaro legitimiteto elektronsko votibaske. Odova ka kerel pe ko jubilarno IRU Kongreso sebepi 50 berša taro Jekhto Romano Kongreso ko 1971 berš. Aso o Roma so ušten trubul ki Europa ažuririba e politikane strukturake so si urgentno.
Te šaj ačhol o Romano identiteto trubul te ovel odova.
Grattan Puxon, veterani an o Romano aktiviteto thaj Presidento ki Demokratsko Tranzicia. E mail: Această adresă de email este protejată contra spambots. Trebuie să activați JavaScript pentru a o vedea.