Ko sklopi e ikerde konferenciake taro OBSE ki Varšava ko 26 septemvro anavjerdi sar Konferencia ki implementacia e manušikane dimenzienge mašar ko akahrde misafiria sine tarj o IRU Presidento Zoran Dimov

Ko odova konetksti ijergje pe duj Bukjarne sesie sar 16 thaj 17.
I ango 16 bukjarni sesia sine anevkerdi sar "Leiba than e Romenge thaj Sinti ko sasto thaj politikani dživdipa "

Akate tari rig taro Zoran Dimov sine prezentirime i rolja e romane mediumenge thaj o foririba biathinalo romane obesrvatori ko alusariba ko thema telel ekspozitura taro OBSE.

Ki dujto bukjarni sesia anavkerdi sar " Kherutnipa thaj dživdipa , thaj i situacia taro zor deportacia em segregacia taro Roma em Sinti" so sine i kerdo but droma phagiba manušikane niamia thaj formacia e Romane Ombdusamnea so kergja o IRU sar biathinalo ofiso - kontakt point thaj presentiringja oleksiri obligacia.

O duj da diskusie sine len pozitivno efekti so udžaren pe but lačhe rezilatia em akcie ko vakti so avela.

Sar kotor taro pire aktivitetoa ko nakhglo vikendi o Presidenti taro IRU o Zoran Dimov barabutne e rajoja marselo Zunissi , Presidento an i italiansko Asociacia e Romenge thaj Sinti, sine len dikhiba e italiakere presidentoa o Džuzepe Konti kote sine leske dende o dokumentoa aso o kerde aktivitetoa taro akala duj romane organizacie baši lačharipa ki situacia e Romencar ki Italia.

Trujal odova sar kotor taro aktivitetia o Zoran dimov barabutne e Marselo zunisi kergje thaj vizita ko jekh taro romane kampoa an i periferia e dizjake Rom, thaj sine len dikhiba em diskusia e Romencar taro odola kampia.

Ola zapendžargje pe e šartencar dživdipaske thaj šungje o problemia e Romengere ko odola kampia.

Majbaro kotor taro odola Roma zapendžargje le kaj mangen te oven integririme ko sasoitnipa e Italiake sar so si (kherutnipa, edukacia, sastipa em bukjarnipa).

Ola ko jekh informiringje e Romen taro odola kampoa kaj e italiakoro govermentoi si le love taro strukturno fondia tari EU te šaj te keren majbut em majlačhe šartia dživdipaske taro Roma ko odola kampia sar so si respektiriba e nacionalno thaj europakere kanonia taro komiteto opservaciake (1303/2013) em aktia baši olengiri inkluzia.