Jekh taro specifično targeto so ka oven teme ko avutno IRU Kongreso ko Skopje taro 26 dži ko 29 Mart 2020 te zojrakeren o Romano Džuvljakoro lobi em promocia e Romane džuvljake sar lideroa.

O IRU ko plo kapaciteto em aktiviteto baš ko 10-to IRU Kongreso ko Skopje ko 2016 berš počmingja o aktiviteto ki promocia te vazdel pe o nivelo em prioriteto ki konekcia o Džuvljano Lobi sar ko nacionalno agjaar em ko internacionalno nivelo.

Baš ko akava Kongreso o Šef IRU Komisijake notiringje em čhivgje e Rosita Gronfors so sine indikatori kaj amjodoriga ka kerel pe zori te legaren pe odola dromia.

Ko akava 11 Kongresi taro IRU ka ovel akaja temastika ki promocia majaktivno konektiriba e Romane džuvljake ko aniba importantno decizie sar so si politikane, ekonomikane, jurisdikciakere, kulturakere em sa aver aspektia.

Odoleske ko akava 11 Kongresi taro IRU ka ovel importantno te dikhen pe odola percepcie sar promocia avutne aktenge sar so si Romani džuvli sar lideri.

Akate ka oven akceptirime em i Romani džuvli taro ekonomikano aktiviteto, konektiriba ko Biznis sektoro em majbari promocia e Romane džuvljake sar Roman biznis pretpriemači.

Ko jekh agjaar si te vakerel pe o aktiviteto em e Tradicionalno Romano Krisoske so ka del pe šansa te promovirinel pe avgo drom jekh nevo momenti – Promocia e Abgo Romane Džuvljake ko Romano Tradicionalno Kriso.

Jekh taro šerutne segmentoa taro XI-to Kongreso taro IRU , so ka ovel taro 26-29 Marto an o Skopje, ak ovel em i tema „Romano Ombdusmano“

Ko parlamentarno mitingo taro IRU ko juno 2019 berš sine kerdi promocia taro Romano Ombdusmano – Kontakt Point , so reslja čačutno suporto taro sa o relevantno internacionalno institucie, avutno akti si fundamentiriba em starto taro aktiviteto.

Ko odova konteksti kerdo si o avgo akti kote promoviringja pe o Ofiso taro Romano Ombdusmano taro IRU kote trujal piro ECOSOC statuso an o UN akana si le piro ofiso so funkcionirinel ko pervazia e Ofisoske taro UN ki Ženeva ki Švajcaria.

Akaja decizia si andi ko agor e masekoske novembro 2019 berš.

Ko akava Kongreso taro IRU ka džal pe pireo majangle! Ko odola pervazoa ko vakti taro diskusie ka prezentirinel pe em nevi strategia em plano taro aktiviteto akale ofisoske Ka ovel em presintirime i nevi strategia em strukturno šema tari funkcia. Aso akanutne aktivitetoa o Romano Ombdusmano trujal i funkcia Šefo, ka promovirinel pe em  oleskere duj vicešefoa taro Romano Ombdusmano.

Interesno si kaj trujal i paralelno funkcia ka kerel em netvorko taro Nacionalno Romane Ombdusmanoa  - Kontakt Point. Odova bi avel sar kote majbaro kotor taro thema kote isi Roma, , ka ovel pire Romano Ombdusmanoa so ka kompletirinen akava netvorko.

Kalaea o IRU sikavel angažmano te eliminirinel sako forma tari diskriminacia em phagiba o fundavno manušikane hakoa akcentoa i Romani jekhin ki sasti Europa thaj i lumia.

Sa akava ka ovel dopherdo e status em kodeksi savore so si ko Romano ombdusmano – Kontakt point.