Ko mart akava berš ko vakti kana ka ovel XI-to IRU Kongresi ko Skopje jekh taro punktia ki agenda ka ovel em o ekonomikano em Biznis klima ki Romani jekhin.

O focus ka ovel ko keriba ekonomsko em biznis romano profile prekal pretpriemačia thaj formiriba biznis incubator.

Ko jekh o fokusi ka ovel ko buvljaripa e biznis aktiviteteske ki Romani džuvli. O obligacie ki akaja Konferencia ko vakti e IRU Kongreseske  ka legaren pe ko nekobor segmentoa.

Pakjala pe kaj prekal keriba o biznisi ka anel lungovakteskoro bukjarno angažmani e Romenge ko internacionalno nivelo.

I visia taro IRU sar organizacia sit e kerel promocia e ekonomikane progresoske ki romani jekhin. O resarina ki akaja Konferencia ka oven:

Bajraripa taro mikro, tikne em maškarutne kompanie ko marginalizirime romane jekhina , identifikacia, investicia em suporto sa okolen so si len potenciali  te keren neve bukjarne thana em te keren lačhipe e romane jekhinake.

O keriba o pretpriemništvo ki Romani džuvli te ovel sar jekh katalizatori ko zojrakeriba e ekonomiake.

Te sikavel pe o interes ko romano biznismeno prekal konekcia sar so si keriba biznis klubia / asociacie / koorporacie resarinaja te lačhaver o biznisi em šajdipa te finanasirinen pe.

Formiriba profiloa taro romane investiciono profesionalcoa kote ka tamikeren pe Romane investiciono fondia.

Sar jekh taro specifikane resarina so ka oven teme ko avutno IRU Kongreso ko Skopje ko mart 2020 berš ka ovel te kerel pe majzoraleste o Džuvljano Romano Lobi em promocia ko odova o Romnja te oven lideria.

O IRU ko plo kapaciteto em aktiviteto baš ko 10-to IRU Kongreso ko Skopje ko 2016 berš počmingja o aktiviteto ki promocia te vazdel pe o nivelo em prioriteto ki konekcia o Džuvljano Lobi sar ko nacionalno agjaar em ko internacionalno nivelo.

Baš ko akava Kongreso o Šef IRU Komisijake notiringje em čhivgje e Rosita Gronfors so sine indikatori kaj amjodoriga ka kerel pe zori te legaren pe odola dromia.

Ko akava 11 Kongresi taro IRU ka ovel akaja temastika ki promocia majaktivno konektiriba e Romane džuvljake ko aniba importantno decizie sar so si politikane, ekonomikane, jurisdikciakere, kulturakere em sa aver aspektia.

Odoleske ko akava 11 Kongresi taro IRU ka ovel importantno te dikhen pe odola percepcie sar promocia avutne aktenge sar so si Romani džuvli sar lideri.

Akate ka oven akceptirime em i Romani džuvli taro ekonomikano aktiviteto, konektiriba ko Biznis sektoro em majbari promocia e Romane džuvljake sar Roman biznis pretpriemači.

Ko jekh agjaar si te vakerel pe o aktiviteto em e Tradicionalno Romano Krisoske so ka del pe šansa te promovirinel pe avgo drom jekh nevo momenti – Promocia e Abgo Romane Džuvljake ko Romano Tradicionalno Kriso.