Pohari ama sigurno avel o periodo em o datumo kote so trubul te alusarel pe o nevo IRU presidimo taro IRU so ka legarel o mandato ko avutne 4 berša.

Ko agorutno 10-to IRU Kongresi ko mart 2016 berš ko Skopje, kote sine kadrovsko trampe ko IRU. Ko odova Kongreso sar presidento si alusardo o Zoran Dimov. Ov kergja angažmano sar IRU presidento ko periodo 2016 – 2020 em implementiringja neve momentoa ko IRU barabutne e neve timea., kergje bari buti em angja e IRU ko čačutno kolosek, soske o anglutno Kabineto sebepi naaktiviteo angja e IRU ki „Kliničko meripa“

Ko periodo 2016 -2020 , o Zoran Dimov reslja te kerel „reanimacia“ em IRU sar institucia konektiringja. Barabutne e timea em e kabinetoa reslja te iranel o našavdo IRU sastusi taro IRU ko UN em palo odova resle o ЕСОЅОС statusi. Ko jekh reslja ko sa o ofisoa taro UN konektirime timi em manuša. Odova havela pe ofisoa ko Njujork, Viena em Ženeva. Kergje piro plani em strategia so kergje presentirime anglal europakere institucie sar so si o Konsilo e Europakere barabutne e ERTF . Ko kontakto em komunikacia sa e ambasadoncar ki lumia. Kergja majzorale i konekcia e Konsilea taro lumiakere khangira . Ko jekh animiringje em startujngja i implementacia ko jekh taro majimportantno pučiba e Romenca em o Romano Ombdusamno – Kontakt point, so reslja saste suporto ko sa relevantno eurtopakere institucie em organizacie.

Telal o presidiumo taro Zoran Dimov počmingja i implementacia taro durutno suno taro IRU em odova avutno te na ovel hangime em votime , numa o mandati te resel pe ko legalno drumo em buvleste mandati  - vota tari romani nacia. Odoja idea em koncepto dengja la o Gratan Pukson sar Demokratsko Transicia so ko periodo taro IRU Presidiumo ko IRU sine o Zoran Dimov, akceptiringja la saste te afirimirinel sar jekh taro majimportantno agende taro IRU.

Em akana ko „agor e diveseske“ sublimatoa so kergje o resarina em avutne planoa , avela pe dži ki konkluzia so isi o šanse neve mandatoske ko IRU. Aso o dži akanutne analize  em prognoze o šanse bašo panda jekh mandato si ki rig e akanujtne IRU Kabineteske legarde taro džiakanutno IRU presidento o Zoran Dimov! Numa te mukha o epilog so ka ovel pendžardo ko agor taro marto .

Dži tegani  -sastipe em iranen i sama tari Korona Virusi.

Ko XI-to Kongreso taro IRU , so ka ovel ko Skopje taro 26 dži ko 29 Mart akava berš ko čačutno fakti e lafeske taro organizacisko aspekto , vazdingja e romane nacia „ko pire“.

Havlajrde si kaj ka aven paše 100 IRU membrora thaj delegatora , em 50 aver uče misafiria.

Numa okova so na sine pakjajbaske, akana šaj lokheste te ovel.

E lumiakoro šampioni ko boksi ki phari kategoria so akava vikendi reslja te lel akaja tutula o Tajson Fjuri šaj lokheste te ovel ov da ko akava Kongreso.

Olea ko intenzivno kontakto em lafikeriba si o majphureder membro ko IRU tari Bari Britania thaj Presidento ki Demokrtasko Tranzicia o pendžardo romano aktivisto o Grattan Pukson.

Ov si ko intenzivno kontakto e PR ofisoa em e korkoro šampionea taro Tajson Fjuri te avel ko Skopje.

Te sine lačhe o terminia em te na sine le nesave importantno aktivitetoa but lokheste šaj o Tajson Fjuri te ovel kotor taro XI-to IRU Kongreso ko Skopje.

Aso nesave havljarina ko majsiga vakti ka iskristalizirinen pe o momentia em te džanel pe majbuteder dži kote si i procedura bašo oleskoro eventualno aviba ko Skopje, informirinel o portalo Roma Times.