O nakhlo vikendi an i sportsko hala Olten an o Basel ulo o majlačho momenti an i profi kariera e 18 beršengoro Uli Birhler.
Ki šerutno meči e rakjake o lokalno heroi Rajnhard Haler iklilo ko meči bašo titula europakoro šampioni ko kik bokseri o 18 beršengoro Rom tari Švajcaria o Uli Brihler. O starti e boks mečeske sine siguritetno meči taro Haler e terne Birhlerea. O starti sine tromalo bizo lende seriozno akcie.
O tikno 7 beršengoro romano čhavo o renato Amet taro Skopje sine alusardo maškar milja čhave an i sasti lumia te ovel misafiri e giganteske Barselona popendžarde an i Akademia "La Masia" kotar so nakhle o Mesi, Andres Iniesta, Čavi thaj baro kotor taro aver superčerenja taro Kataloncia.
Ko 13 noemvri , o 7 beršengoro romano čhavo renato sar fudbalsko diamanti odole beršenge ple jeriencar gelo ki Barselona ko 8 divesengoro kampi. Ki pendžarutni Akademia sine ple vrsnikoncar tari sasti lumia a akava phursako reslja čače taro jekh drom.
Ano Valjevo jekh themakoro institucionalno bukjarno khuvgja čhamidin jekhe tikne Romane čhaveske , thaj nane te ovel džovaplimo anglal o kriso dži kote pukjinel 30.000 dinaria (150 eura) ko humanitarni akcia informirinen o mediumia.
O kriso šaj sine te anel kanonikani decizia akale akteske kote trujal lovengiri globa si i opcia phanlipa dži ko 5 berša. I policia an o Valjevo sebepi kerdo terori mujal o Nikola Ilić so kergja o incidenti ko agor taro juli akava berš.
E lumiakoro šampioni ki phrai kategoria Tajson Fjuri šaj te našavel sa pire titule kana sine le pozitivno ko testi bašo kokaini.
O 28 beršengoro britansko Rom akana ko sig vakti niotiringja thaj na manglja te ikljol ko revanš boks meči e Vladimir Kličkoja so sine notirime bašo 29 oktomvri sebepi "medicinsko karana". O promoteria taro Fjuri "Henesi sport" havljargje kote ko 23 septemvri trubul te čhinaven o termini e mečeske e Kličkoja numa na dengje nevi data bašo ikeriba akale mečeske.
|
Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека |
6-to Romano Čhavorikanoo muzikakoro festivali
„Čhavorikano Suno 2022“ – SP BTR
6-ти Ромски Детски музички фестивал
„Детски Сон 2022„ – СП БТР
6th Romani Children's Music Festival
"Children's Dream 2022" - SP BTR
Isi 280 misafirija so dikhena o ROMATIMES.NEWS
Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali
