Angleder 80 berša ov dominirinel sine an o ringi ki Germania, a sine Rom.

Johan Vilhejm Trolman, makpendžardo sar Rukeli sine majšukar germansko bokseri ko piro vakti, numa bibahtake odova vakti oleske sine bibahtalo. Rom an i Hitlereskiri Germania na tromala sine te ovel majšukar, a o Rukeli angleder 80 berša sine lestar lendi i titula ki jekvašphari kategoria.

Majodorig sa iranel pe ko boksereskoro ringo taro Johan Trolman so e rukavicencar džala sine an o dživdipa thaj ulo em sex simbolo jekhe saste generaciake , soske na boksinel sine holjaja numa boksirinel sine ilea.

O meči bašo majšukar bokseri an i germania sine mujal o džiteganutno germansko šampioni so sine le telal anav Vitt , a saste simbolikane anvakerel pe sine -Adolf.

An i piri barvali boksersko kariera, o Redžepovski enja berša sine an i reprezentacia e teganutne Jugoslaviake thaj pandž berš šampioni an i them so dživdinen sine 20 milionia manuša.

Piro sukceso thaj resiba olimpisko, mediteransko, balkansko, nacionalno thaj but aver medalje, kerel sine pire but šiukar trenerea Bruno Hrastinski so sine treneri an i boksersko reprezentacia, thaj e bare manginake sp sine le te ovel sukcesialo bokseri trujal pire phare treningia so sine po šov saatoa ko dive anglal o bare mečia.

Mukhlo korkoro thaj bizi buti pobuter taro deš berša pire šov dženegere familiaja dživdinel sine taro socialno suporto taro 50 eura, a palo 2010 berš reslja themutni penzija beašo resle sukcesia an o sporti.

O Redžep Redžepovski is le bari mangin te ovel palem an o boksi thaj sar treneri te del suporto eb ternenge te kerel progresi. Numa sar so ov vakerela na šartia bukjake.

- Mangljum te ovav treneri , numa na arakhljum suporto. Trujal so ko BK Kumanovo isi nekobor entuziastia so čače kamen o boksi , olen na sine len takati te keren majšukar šartia bukjake thaj te iranen o klubi ko purane pozicie.