An i organizacia e Protestantsko evangelistikani khangiri "Romani jekhin" taro leskovac ka ikerel dujdivesengoro turniri ko tikno fudbali.

Ko akava dujdivesengoro turniri ko tikno fudbali anavkerdo sar " Fudbali e Hristosesje" ka ikerel pe akava vikendi an o terenia e Romane khangirake so si an i romani mahala " Slavko Zlatanović.

Notificiringje pe nekobor ekipe sar so informirinela o organizatori akale turnireske o Miša Bakić thaj vakerel kaj e trin majšukar ekipenge isi barvale phursakoa.

O tiketia e Superkupeske tari UEFA so ka khelel pe an o Skopje ko 8 avgusto ka šaj te kinen pe salde prekal oficialno internet sjti tari UEFA so udžarel pe ko divesa so avena te den pe dopherde informacie so si konektirime e proceduraja bikiniba.

I aplikacia prekal o Internet trubul te ovel an o periodo maškar 13 juni thaj 4 kuli, dži kote okola so ka resen dži ko tiketo ka oven notirime prekal lotaria, soske udžarel pe baro intereso te dikhel pe akava dueli maškar o europakoro šampioni o Real Madrid thaj o timi so lelja Liga Europa o Mančester Junajted. O intereso an i Makedonia si but baro soske isi pherdo pučiba so si konektirime e tiketencar so ka oven moldipaja taro 15 dži ko 40 eura aso džiakanutne informacie.