O Vaclav Sivak arakhlja I titula ko Real Fajt Arena (RFA) ko bokds meči mujal o austrisko čečensko kik bokseri Ruslan Tohtarov ki gala rakj ko RFA 10 koo Havirov, Čehia. O Tohtarov sine le problemia e kilažaja angleder akava mećči em sine avrial taro atako e titulake.

I gala rakj ko Gascontrol arena ko Havižov sine ko repertoari  10 mečia prekal o standardia taro K1 thaj MMA. O Sivak so si lumiakoro šampioni ko WAKO PRO thaj viktoriringja ki piramida taro GN an o WAKO K-1, počmingja o meči sar bizo našavdo meči ki seria 22-0.

Oleskoro rivali Tohtarov sine le skori taro 20 amatersko viktorie, 35 profesionalno viktorie thaj ofto našavde mečia em našavgja o šajdipa te resel I titula soske mukhlja o limiti dži ko 66 kg bašo duj kg . Ki avgo runda ov sine majaktivno bokseri , dengja pobuter khujba , ama dži ko agor e rundake o Sivak peravgja le tele.

O Sivak sine majaktivno em lelja I inicijativa ko avera runde . I trinto runda sine sar I dujto  o Sivak viktoriringja em kergja baro akti primal o arakhiba e titulake.

Link: https://romea.cz/en/czech-republic/undefeatable-romani-kickboxer-vaclav-sivak-defeats-tokhtarov-in-czech-republic-remains-the-king-of-the-rfa

Bašo jekh deš berša udžarel pe te rošarel nevo fudbalsko anav ko lumiakere terenia a odova si o 11 beršengoro romano čhavo Ridvan Selimi tari fudbalsko škola „Forza“ so panda akana si dar pali levo rig ko tereni.

Trujal so si panda čhavo akava terno čhavo dikhel o fudbbali sar desavo iskusno fudbaleri.

Kana ikljovav ko tereni si man respekto primal sako fudbaleri, ama me džanav te driblinav em but droma džanava te “ikavav” taro ritmi me protivnikia taro kolosek , vakerel o Ridvan  em dopherela:

Na dikhava nikana I individualno statistika numa o timi te viktoririnel. O fudbali si khelin kote viktoririnen o timi a na o individualcia . Akanaske na dikhav sar ka džal miri kariera te dža piro palo piro  em o drumo ka putrol korkoro pester.

Me sium fani taro PSŽ soske odothe khelel o majšukar fudbaleri o Linoel Messi . Šaj vakerev deka angleder sium sine fani taro I Barsa soske odothe khelel sine o Messi ama akana si ko PSŽ. Numa avere rigatar kana bi šaj alusarav desavi liga kote šaj khelav odova si I La Liga jail Premier liga soske khelel pe ko jekh majučo nivelo isi o majšukar fudbaleria dophergja o Ridvan Selimi.